Urupfu rubabaje rw’umubyeyi iruhande rw’umukobwa we na we urembejwe na COVID-19

Umugore warebye nyina ari gupfa iruhande rwe aho na we yari arwariye mu bitaro nyuma y’uko bombi bafashwe na Covid-19, arasaba abantu kwitwararika ku mabwiriza yo kwirinda iki cyorezo.

Maria Rico w’imyaka 76 w’ahitwa Leicestershire mu Bwongereza yavanyemo icyuma kimuha umwuka kugira ngo avugishe umukobwa we bwa nyuma nubwo yari azi ko ibi byihutisha urupfu rwe.

Anabel Sharma avuga ibi bihe nk’ibiteye agahinda, ariko akavuga ko yishimira ko nyina atapfuye ari wenyine.

Niwe watangaje ifoto ya nyuma bari kumwe ngo akangurire abantu kwirinda iyi virus.

Gutekaana

Sharma, avuga ko nyina yapfuye hashize hafi iminota 30 avanyemo ’mask’ imuha umwuka ngo amusezere.

Ati "Mama yabasabye ko bamuvanamo ’mask’ baramubwira ngo ’nituyivanamo biraba birangiye. Nturi bumare akanya’.

"Yaravuze ati ’Yego, ibyo ndabizi ariko ntakundi."

Sharma w’imyaka 49 arakomeza ati "Twamaze nk’iminota itanu akibasha kuvuga, maze nyuma atakaza ubwenge.

"Yatubwiye ko nta bwoba afite bwo gupfa, ko yiteguye. Yambwiye ko ngomba kurwana bikomeye kuko mfite abana mu rugo."


Maria Rico yabanaga n’umukobwa we, umukwe we n’abuzukuru be batatu

Mushiki wa Sharma witwa Susana nawe yemerewe kuba ari aho yambaye imyenda irinda umuntu kwandura.

Ati "Twari tumufashe kugeza ku mwuka we wanyuma.

"Byatumye numva ntekanye kumva ko turi kumwe nawe, kandi nawe byamuteye kumva amerewe neza."

Madamu Maria Rico yabanaga mu nzu n’umukobwa we Sharma, umugabo we n’abuzukuru be batatu Noah w’imyaka 10, Isaac 12, na Jacob,22.

Sharma avuga ko akeka ko umwe mu bahungu be yanduye Coronavirus ku ishuri maze ikaza "ikuzura mu rugo" mu buryo bwihuse "biteye ubwoba".

Ati "Nasaba abantu gukurikiza amabwiriza yo kwirinda kandi bagatekereza ku bandi."


Coronavirus yakwiriye mu muryango wabo, buri umwe mu baba mu rugo bayimusanzemo

Sharma na nyina bashyizwe mu bitaro bya Leicester Royal Infirmary ku munsi umwe mu kwezi kwa 10, nyina Maria Rico yapfuye tariki 01 z’ukwa 11.

Sharma yakurikiranye imihango yo gushyingura nyina iri kuba kuri video kuko yari akiri mu bitaro.


Maria Rico abe bavuga ko yari "umukecuru w’igitangaza"

N’ubu we aracyahabwa umwuka aho ari kwitabwaho mu rugo kuko ibihaha bye byangijwe n’iyi virus.

Ati "Mama yari azi neza ko atazakira iyi ndwara kandi yari yabonye ubuvuzi buhagije."

Avuga ko nyina yari "umukecuru w’igitangaza" wari umuntu w’umunyembaraga cyane".


Maria Rico n’umukobwa we Anabel Sharma bombi bashyizwe mu bitaro bya Leicester Roya ku munsi umwe

Victoire yabeshyuje uwamwiyitiriye akavuga ko asheshe ishyaka rye! Abakirisito ba ADEPR bandikiye RGB bayibaza itegeko yakurikije ishyiraho ubuyobozi buriho muri iri Torero:





Tanga igitekerezo kuri iyi nkuru



Igitekerezo