Undi mubyeyi w’i Kigali yishwe na COVID-19, abaye uwa 21 mu Rwanda

Minisiteri y’Ubuzima, MINISANTE kuri uyu wa Gatatu tariki ya 09 Nzeli 2020 yatangaje ko undi muntu yishwe n’icyorezo cya COVID-19, uyu akaba ari umubyeyi w’imyaka 71 y’amavuko wo mu Mujyi wa Kigali wabaye umuntu wa 21 uhitanwe n’iki Cyorezo kuva kigaragaye ku butaka bw’u Rwanda ku wa 14 Werurwe 2020.

Ku wa Kabiri tariki ya 08 Nzeli 2020 na bwo umuntu wa 20 COVID-19 yishe yari umubyeyi w’i Kigali w’imyaka 70 y’amavuko nkuko MINISANTE yabitangaje

MINISANTE kandi yatangaje ko kuri uyu wa Gatatu mu Rwanda habonetse abantu 21 banduye icyorezo cya COVID-19, mu gihe abandi 18 bayikize.

Abo barwayi bashya 21 barimo 17 babonetse muri Kigali (bapimwe mu bibasiwe kurusha abandi), batatu babonetse i Kirehe, umwe aboneka i Rusizi.

Umubare w’abamaze kwandura icyorezo cya COVID-19 mu Rwanda kugeza kuri uyu wa Gatatu, ni 4,460 muri bo abamaze gukira ni 2,325 naho abakirwaye ni 2,114.

Abamaze kwicwa n’icyo cyorezo bose hamwe mu Rwanda babaye makumyabiri n’umwe (21). Uwa makumyabiri n’umwe ni umubyeyi w’imyaka 71 witabye Imana i Kigali kuri uyu wa Gatatu.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Uwari umuvugizi w’ishyaka rya DALFA Umurinzi ritavuga rumwe n’ubutegetsi buriho mu Rwanda nyuma yo guhagarika kuvugira iri shyaka, yahunze igihugu ngo kuko yari ku gitutu gikomeye kandi ngo yari yarakiriye amakuru ko ashobora no kugirirwa nabi, MRCD-Ubumwe yasabiye u Rwanda ibihano ku ifatwa rya Paul Rusesabagina, kimwe n’andi makuru mesnhi urayiyumvira k’UMUBAVU TV ONLINE:





Tanga igitekerezo kuri iyi nkuru



Igitekerezo