Umwana yiyahuye yimanitse nyuma yo kwamburirwa mu mukino w’urusimbi

Evans Kadenge w’imyaka 13 y’amavuko wo mu gihugu cya Kenya mu mugi wa Kilifi uherereye mu majyaruguru y’igihugu, yiyahuye nyuma yuko akinnye urusimbi na nyirarume yatsindira amafaranga atanageze ku gihumbi (800) akayamwima bityo agahitamo kwiyahura yimanitse.

Umuryango w’uyu mwana, kuri ubu uri mu gahinda gakomeye nyuma yo kubura umwana wabo biturutse kuri nyirarume wamwimye amafaranga yamuriye bakina urusimbi. Evans Kadenge wari umunyeshuri wo mu mwaka wa kane w’amashuri abanza, yikingiranye mu cyumba mu rugo iwabo maze yiyahura yimanitse.

Aba bombi bakinaga urusimbi kandi bemeranyije ko urajya atsinda undi arajya amwishyura amafaranga angana na 800 y’amanyarwanda.

Nyuma yuko nyirarume w’uyu mwana atsinzwe umukino wa mbere, yahise yanga kwishyura uyu mwana ibyatumye yikingirana mu cyumba ahita yiyahura.

Umubyeyi witwa Selina Maitha wo mu muryango w’uyu mwana nyuma yuko amenye aya makuru, yabwiye Daily Nation ko umuryango wababajwe cyane n’urupfu rutunguranye rw’umwana wabo ndetse anagira inama ubuyobozi ko bwakora ibishoboka byose bugaca imikino y’urusimbi kuko ishobora no kuzahitana abandi bana niba nta gikozwe mu maguru mashya.

Umurambo w’uyu mwana washyinguwe mu irimbi ryegereye ibitaro yahise ajyanwamo byo mu gace ka Kilifi.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo