Umuzimu wa Kadhafi umereye nabi Nicolas Sarkozy

Nicolas Sarkozy, wahoze ari Perezida w’igihugu cy’u Bufaransa kuri ubu ntiyorohewe n’ubuzima by’umwihariko nyuma y’aho abujijwe amahwemo n’umuzimu wa Kadhafi nawe wahoze ari Perezida wa Libya nkuko bitangazwa n’umugore ukora isuku aho Nicolas Sarkozy arara, wabwiye itangamakuru ko umunsi umwe yaje ku kazi, yagera mu cyumba akoramo isuku, akumva uyu munyacyubahiro atakamba asaba imbabazi avuga ngo Kadaffi amubabarire ntamwice kandi ngo yihanganire ibyo yamukoreye.

Uwo mugore avuga ko yari ahagaze imbere y’umuryango ubwo yumvaga ibyari biri kubera mu cyumba aho yumvaga Nicolas Sarkozy asezeranya Kadaffi ko azacyemura ibibazo yateje. Ikindi kandi ngo azagarura ibyo yajyanye hanyuma anahite ategura amatora, ibi byose kandi amusezeranya ko bizagenda neza muri Libya.

Umugore utarashatse kuvuga amazina ye dore ko umunyamakuru yayamubajije inshuro nyinshi ariko akamunangira, yabajijwe niba hari icyo yaba yarabonye mu cyumba imbere cyaba gisa n’undi muntu wari kumwe n’uwo munyacyubahiro, yavuze ko urugi rwari rukinze ngo ahubwo yabonaga urumuri rurabagirana rusohoka ku mpande zose zarwo, mu byukuri ngo ntabwo yabonye ibyari mu mbere ariko ngo icyo yabashije kumva ni izina Mouhammar Kadaffi.

Mu gitondo yinjiye mu cyumba ngo arebe neza, asanga ibintu byose bitunganyije. Asoza avuga ko atekereza ko umuzimu wa Col. Mouhammar Kadaffi ariwo utera Nicolas Sarkozy buri joro ashingiye ko buri gihe uko azindutse aza ku kazi abyumva.

Ku wa 20 Ukwakira 2011, ubwo ubutegetsi bwa Kadaffi bwasenywaga, byari bishyigikiwe na Perezida w’u Bufaransa Sarkozy kandi birangajwe imbere n’ingabo za OTAN. Imitungo y’izahabu Libya yari ifite yageraga kuri toni 150, agaciro kabariwe mu mafaranga ku gihe cya Kadaffi zari Milliyari 7 z’Amadorari y’Amerika nkuko Africa24.info dukesha iyi nkuru babyanditse.

PNG - 563.5 kb
Nicolas Sarkozy yari umwe mu bari barangaje imbere ihirikwa ry’ubutegetsi bwa Kadhafi

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
John Kuya 29-01-2018

Uyu witwa Fabio ntabona ko bayikuye muri Africa24.info?

fabio Kuya 26-01-2018

ese iyi nkuru muyikesha ikihe kinyamakuru?
ese ni umunyamakuru wanyu wakoze iyi nkuru bwa mbere cg haraho mwayiso