Umuturage yishe arashe abapolisi 3 bahoshaga amakimbirane yo mu rugo

Mu gihugu cy’u Bufaransa, umugabo ufite imbunda yishe arashe abapolisi batatu ubwo bari bahamagajwe guhosha amakimbirane yo mu rugo rwe.

Aba bapolisi bageragezaga gutabara umugore wari wahungiye mu gisenge cy’inzu mu gace k’ahitwa Saint-Just mu gicuku cy’ijoro ryo ku wa Kabiri rishyira kuri uyu wa Gatatu.

Umugabo wari ufite imbunda yarashe abapolisi anatwika inzu. Umupolisi wa Kane yakomeretse icyakora babashije gukiza ubuzima bw’umugore.

Ibyabaye ntibirasobanuka neza gusa ubuyobozi buga ko uriya mugabo ukekwaho kwica abapolisi afite imyaka 48 y’amavuko.

Umuyobozi w’agace ka Saint-Just, witwa François Chautard, yabwiye Ikinyamakuru Le Figaro ko inzu yatwitswe, abapolisi bakaba bageragezaga kumenya niba uwayitwitse yahiriyemo cyangwa yabashije guhunga.

Abapolisi badasanzwe n’abashinzwe kuzimya inkongi boherejwe ahitwa Puy-de-Dôme, mu gace k’u Bufaransa kitwa Massif Central.

Umushinjacyaha w’ahitwa Clermont-Ferrand, yavuze ko umupolisi umwe yarashwe mbere, undi arakomereka, abandi babiri barashwe bagerageza kugera kuri iriya nzu.

Minisitiri w’Umutekano w’imbere mu Gihugu, Gérald Darmanin yavuze ko abapolisi bapfuye ari Brig Arno Mavel, w’imya 21, abandi ni Lt Cyrille Morel, w’imyaka 45, na Adjutant Rémi Dupuis, w’imyaka 37.

Ni mu gihe umupolisi wa Kane we yakomeretse akaguru ariko ubuzima bwe bukaba butari mu kaga.


Abapolisi bagiye guhosha amakimbirane yo mu rugo umugabo yicamo batatu abarashe

Perezida Kagame yakuriye inzira ku murima abamusabye kurekura Rusesabagina! Hizejwe impinduka ku misoro ihanitse y’ubutaka yinubiwe n’abaturage:





Tanga igitekerezo kuri iyi nkuru



Igitekerezo