Umupolisi w’u Burundi yafashwe yinjiye mu Rwanda mu buryo bunyuranyije n’amategeko ahita atabwa muri yombi

Ku mugoroba wo ku wa Gatanu tariki ya 13 Mata 2018, nibwo ACP Irakoze Théogène, umupolisi w’u Burundi yafatiwe mu Rwanda ahita atabwa muri yombi bivugwa ko yari yinjiye mu gihugu bu buryo bunyuranyije ‘amategeko aho bivugwa ko yafashwe n’inzego z’umutekano z’u Rwanda ahagana saa kumi n’ebyiri na mirongo ine n’itanu z’umugoroba (18h45).

Ku wa Gatandatu tariki ya 14 Mata 2018, nibwo igipolisi cy’u Burundi cyasohoye itangazo ryanyuze ku rukuta rwabo rwa Twitter aho bavuze ko uyu mupoilisi wabo yafashwe n’inzego z’umutekano mu Rwanda.

ACP Irakoze yafashwe ubwo yari yinjiye mu Rwanda anyuze ahitwa Mabayi mu Ntara ya Cibitoke iri mu Majyaruguru y’Uburengerazuba bw’igihugu cy’u Burundi ndetse ikaba no mu Majyepfo y’u Rwanda.

Igipolisi cy’u Burundi kandi cyavuze ko kugeza ubu hari kubaho ibiganiro bigamije kurebera hamwe uburyo impande zombi (u Rwanda n’u Burundi) zakumvikana uyu mupolisi akaba yasubizwa mu gihugu cye cy’u Burundi.

Umuvugizi wa Polisi y’u Rwanda, CP Theos Badege yabwiye Ukwezi.com ko nabo hari amakuru bagikusanya bityo ko nyuma yo kumenya uko byifashe aribwo bazagira icyo batangaza.

@Umubavu.com





Tanga igitekerezo kuri iyi nkuru



Igitekerezo