Umupadiri w’i Burundi yishwe na Covid-19

Umupadiri wo mu gihugu cy’u Burundi witwa Nishimwe wabaga muri Paruwasi ya Rumonge, yapfuye yishwe n’icyorezo cya COVID-19 gusa aya makuru akaba ataremezwa na leta y’iki gihugu, abaganga bo mu bitaro bya Rumonge ni bo bemeje ko uyu mupadiri yishwe n’iki cyorezo ndetse asiga yanduje abaganga 6 bamwitagaho bamuvura.

Radio ijwi ry’Amerika (VOA) yanditse iyi nkuru, ivuga ko hari imiryango myinshi mu Burundi ivuga ko ipfusha abantu bayo bishwe na Coronavirus ariko leta ntibasohore ku rutonde kandi abaganga bemeje ko abantu babo bapfuye bishwe na Coronavirus.

Urugero rutangwa n’abafungwa 4 baherutse gupfa bishwe covid-19 leta ntiyabitangaza ,n’umugore wigisha mu ishami ry’ubuganga muri Kaminuza nkuru ya leta bizwi ko yishwe na Coronavirus kuko abaganga babujije imiryango yabo kubashyingura kugirango batabanduza baba aribo babishyingurira.

Benshi mu gihugu cy’u Burundi bavuga ko batitabwaho iyo bagaragayeho ibimenyetso bya Covid-19, niyo bagerageje guhamagara numero yatanzwe na Minisiteri y’ubuzima bagirango bitabweho nticamo, niyo iciyemo ntibitaba.

Nyuma yaho leta y’u Burundi yirukaniye abakozi b’Ishami ry’Umuryango w’Abibumbye wita ku buzima OMS, hakomeje kunengwa uburyo Iki gihugu kidafata ingamba mu guhangana no kurwanya icyorezo cya Covid-19.

Kugeza ubu Leta y’u Burundi imaze kwemeza abantu 144 banduye icyorezo cya COVID-19, muri bo 93 baragikize mu gihe umwe ari we cyahitanye ku butaka bw’iki gihugu.

Ishyaka rya DALFA-UMURINZI rya Ingabire Victoire ngo ryiteguye gukora ibishoboka byose, ngo rizanahatana mu matora ya Perezida ari imbere, n’ibindi byinshi tutavuze urabyiyumvira muri iyi Video utapfa gusanga ahandi umuvugizi w’iri shyaka abisobanura neza:





Tanga igitekerezo kuri iyi nkuru



Igitekerezo