Umunyamakuru wa mbere yishwe na COVID-19

Muri iki gihe icyorezo cya Coronavirus/COVID-19 gikomeje kujujubya Isi ari na ko gihitana ubuzima bwa bamwe, hari hatarumvikana inkuru y’umunyamakuru kivuganye gusa ubu tuvugana uwa mbere witwa Zororo Makamba wo muri Zimbabwe arapfuye azize iki cyorezo, akaba n’umuntu wa mbere muri iki gihugu wishwe na cyo.

Uyu munyamakuru ukomeye wo muri Zimbabwe witabye Imana, yari amaze igihe kinini akora kuri Televiziyo mu gihugu cye.

Apfuye nyuma y’uko yanduye icyorezo cya Coronavirus, aba umuntu wa mbere uzize iki cyorezo muri iki gihugu.

Zororo Makamba wari ufite imyaka 30 yari umwe mu bantu babiri basanganywe Coronavirus ku wa Gatandatu w’icyumweru gishize.

Yajyanywe mu bitaro biri mu Murwa Mukuru wa Zimbabwe, Harare, ku wa Kane w’icyumweru gishize nyuma y’uko agaragaje ibimenyetso by’iyi ndwara birimo ibicurane

Makamba yanduye Coronavirus ubwo yari muri Leta Zunze Ubumwe za Amerika mu Mujyi wa New York, agarutse mu gihugu cye ashyirwa mu kato mu bitaro bya Wilkins biri i Harare.

Minisitiri ushinzwe itangazamakuru muri Zimbabwe, Monica Mutsvangwa, yatangaje ko yakiriye amakuru ababaje avuga ku rupfu rw’uyu munyamakuru.

Makamba yari yagiye i New York ku wa 29 Gashyantare, aza kugaruka mu gihugu ku wa 09 Werurwe.

Ku wa 12 Werurwe nibwo yatangiye kugaragaza ibimenyetso bya Coronavirus, ahita amenyesha umuganga we wahise amugira inama yo kwishyira mu kato.

Ubwo yageraga ku bitaro, Makamba yatangiye kunanirwa guhumeka, atangira kwitabwaho byihariye n’abaganga. Nyuma y’urupfu rwe, hatangiye igikorwa cyo gushaka kumenya abantu bose bahuye na we.

Mu ijoro ryo kuri uyu wa Mbere, Perezida wa Zimbabwe, Emmerson Mnangagwa, yavuze ko imipaka yose yafunzwe usibye ku baturage b’igihugu cye bataha n’imizigo y’ibiryo yinjira mu gihugu.

Mnangagwa yavuze ko amateraniro y’abantu barenze 50 abujijwe, ndetse ko utubari, utubyiniro, inzu zikorerwamo imyitozo ngororamubiri ndetse n’aho bogera, ko byose bifunze mu rwego rwo gukumira iki cyorezo.

Zororo Makamba yari umunyamakuru ukomeye muri Zimbabwe detse yari umwana wo mu muryango ukize, abaye umuntu wa mbere witabye Imana azize Coronavirus mu gihugu cye.

Apfuye afite imyaka 30 y’amavuko. Yari umwe mu bantu batatu basanganywe iki cyorezo bagahita bajyanwa mu Bitaro bya Wilkins biherereye mu murwa mukuru Harare.

Urupfu rwa Zororo Makamba rwatumye urubyiruko muri Zimbabwe rukanguka rubona ko iyi ndwara narwo irwugarije.

Gusa muri iki gihugu ngo hari impungenge z’ubushobozi bwacyo mu guhangana n’iki cyorezo nkuko bivugwa n’ibitangazamakuru bitandukanye.

Ubu hari ubuke bw’ibikoresho by’ibanze mu buvuzi nk’imiti igabanya ububabare, uturindantoki tw’abaganga, udupfukamunwa, udukoresho dutanga umuyaga n’ibicupa binini bya ’Oxygen’.

Ubu muri Zimbabwe abantu batatu ni bo bamaze gusangamo iyi virus, umwe muri bo yamwishe ejo ari we Zororo Makamba.


Umunyamakuru Zororo Makamba abaye uwa mbere wishwe na COVID-19 akanaba umunya-Zimbabwe wa mbere wishwe n’iki cyorezo

Abari gusenyerwa mu Kagari ka Nyarutarama bati "Bazane imbunda baturase, ngo ntibakitaye kuri Coronavirus yugarije u Rwanda ndetse n’Isi, ngo COVID-19 ni ibyo bari gukorerwa, indwara twayihinduye ibingibi, ntabwo indwara tukiyitayeho:





Tanga igitekerezo kuri iyi nkuru



Igitekerezo