Umuntu wa mbere yishwe na Covid-19 muri Uganda

Minisiteri y’Ubuzima muri Uganda yemeje ko umuntu wa mbere yishwe n’icyorezo cya Covid-19, uyu akaba ari umugore w’imyaka 39 wo mu karere ka Namasindwa hafi y’umupaka na Kenya, ni nyuma yo gupimwa agasanganwa iki cyorezo.

Abashinzwe ubuzima muri iki gihugu bavuze ko nubwo umupaka na Kenya udafunze nta cyerekana ko uyu mugore yaba yaragiye muri Kenya, igihugu kirimo abanduye benshi kurusha Uganda.

Uwo mugore yakoraga mu ku Kigo Nderabuzima cya Wansugui mu Karere ka Namisindwa. akaba yarajyanwe kwa muganga tariki ya 15 z’uku kwezi kwa Karindwi arembejwe n’umusonga, aribwo yahise ashiramo umwuka nyuma iminsi umunani.

Umuyobozi Mukuru muri Minisiteri y’Ubuzima ushinzwe Serivisi z’Ubuvuzi, Dr Henry Mwebesa, yabwiye itangazamakuru ati "Abantu bajyaga bavuga ko COVID-19 muri Uganda itica. Ubu hari umuntu wapfuye. Mureke dushyire imbaraga mu kubahiriza ingamba zashyizweho n’inzego z’ubuzima mu kwirinda ikwirakwira rya COVID-19.”

Uwo mugore ngo yagiye kwivuza ku wa Gatatu w’icyumweru gishize afite ibimenyetso birimo umuriro, gukorora no kugorwa no guhumeka, aza kugira umusonga ukabije.

Kugeza ubu abamaze kwandura COVID-19 muri Uganda ni abantu 1,075.


Uganda ibonetsemwo uwuhitanywe na Covid-19 mu gihe amategeko ya "guma muhira" yariko aroroshwa

Umunyamakuru Phocas Ndayizera ngo yari yitwaje ibikoresho bikomeye mu guturitsa inzu zikomeye i Kigali:





Tanga igitekerezo kuri iyi nkuru



Igitekerezo