Umuntu wa 41 yishwe na COVID-19 abandi 50 barayandura

Minisiteri y’Ubuzima mu Rwanda kuri uyu wa Gatatu tariki ya 11 Ugushyingo 2020, yatangaje ko icyorezo cya COVID-19 cyahitanye umugabo w’imyaka 88 wo mu Karere ka Rwamagana bituma umubare w’abamaze guhitanwa n’iki cyorezo ku butaka bw’u Rwanda uba 41.

Uyu abaye umuntu wa 05 uhitanwe n’iki cyorezo mu Karere ka Rwamagana mu minsi 3 gusa.

ni mu gihe kandi mu bipimo 2,860 byafashwe uyu munsi byagaragaje ko abantu 50 ari bo bashya bagaragaweho n’ubwandu bwa COVID-19 mu Rwanda.

Ibi byatumye umubare w’abamaze kwandura bose uba 5,312. Uyu munsi kandi hakize abantu barindwi bituma umubare w’abamaze gusezererwa mu bitaro uba 4,974 naho abakirwaye ni 297.

Abarwayi bashya bagaragaye muri Kigali: 27 (abapimwe muri Gereza ya Nyarugenge), Kirehe: 6, Rubavu: 12 (abapimwe mu bibasiwe kurusha abandi) na Rwamagana: 5

Kuva umurwayi wa mbere wa Coronavirus agaragaye mu Rwanda ku wa 14 Werurwe 2020, hamaze gufatwa ibipimo 577 736. Kuri ubu mu ngo ndetse n’ibitaro bivurirwamo abarwayi ba Coronavirus harimo 297 bari kwitabwaho n’abaganga.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Inama y’Abaminisitiri yateranye kuri uyu wa 11 Ugushyingo 2020, yagumishijeho ingamba zafashwe mu kwirinda icyorezo cya COVID-19, aho ingendo zizakomeza gukorwa hagati ya saa Yine z’ijoro na saa Kumi za mu gitondo.

Abanyarwanda bibukijwe ko ari ngombwa ‘kubahiriza amabwiriza yo kwirinda COVID-19 harimo gusiga intera hagati y’umuntu n’undi, kwambara agapfukamunwa no gukaraba intoki ndetse abatazabyubahiriza bazahanwa.

Ingabire Umuhoza Victoire noneho ku ngingo ya Demokarasi mu Rwanda arisanzuye avuga akamuri ku mutima, ibi ntukwiye kubicikwa wumva iki kiga niro yagiranye n’UMUBAVU:





Tanga igitekerezo kuri iyi nkuru



Igitekerezo