Umuntu wa 11 yishwe na COVID-19 mu Rwanda

Ku mugoroba wo kuri uyu wa Kane tariki ya 20 Kanama 2020, Minisiteri y’Ubuzima mu Rwanda, MINISANTE yatangaje ko umuntu wa 11 yishwe n’icyorezo cya COVID-19 giterwa n’agakoko ka Coronavirus, icyakora MINISANTE ntiyerekanye imyirondoro y’umurwayi witabye Imana.

Itangazo rigira riti "Twihanganishije umuryango w’Umunyarwanda w’imyaka 42 witabye Imana.’’

Mu masaha 24 yashize kandi mu Rwanda, imibare ya Minisiteri y’Ubuzima yagaragaje ko abantu 73 basanzwemo Coronavirus mu bipimo 5463 byafashwe, bituma umubare w’abamaze kwandura uba 2717 mu gihe barindwi ari bo bayikize, abamaze gusezererwa mu bitaro baba 1705.

Abarwayi bashya bagaragaye muri Kigali ahakuwe 48 ndetse n’i Rusizi hasanzwe 16 bapimwe mu bibasiwe kurusha abandi ndetse mu masoko yafunzwe no mu Karere ka Rubavu hagaragaye 11.

Kuva umurwayi wa mbere wa COVID-19 agaragaye mu Rwanda ku wa 14 Werurwe 2020, hamaze kuboneka abantu 2717 banduye mu bipimo 351 383 bimaze gufatwa, 1705 barayikize mu gihe 1001 bakiri mu bitaro naho 11 bitabye Imana.

Kugeza ubu nubwo abahanga mu buzima bakomeje gukora hasi no hejuru, nta muti cyangwa urukingo bya COVID-19 biraboneka. Uburyo buhari bwo kwirinda iki cyorezo ni ukwambara neza agapfukamunwa by’umwihariko igihe umuntu agiye ahahurira abantu benshi, gukaraba intoki kenshi n’amazi meza, guhana intera ya metero imwe hagati y’umuntu.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Impanuka ikomeye yahitanye abantu batanu, Padiri uherutse kubivamo yahise arongora, n’andi makuru menshi ni k’UMUBAVU TV ONLINE:





Tanga igitekerezo kuri iyi nkuru



Igitekerezo