Umukobwa wa Saddam Hussein ku rutonde rw’ibyihebe bishakishwa uruhindu ku isi

Inzego z’ umutekano za Irak zashyize ahagaragara urutonde rw’abantu 60 bashakishwa cyane ku Isi barimo n’umukobwa wa Saddam Hussein witwa Raghad.

Aba uko ari 60 barimo abo muri Islamic State group, Al-Qaeda na the Baath ishyaka ry’ ufatwa nk’ umunyagitigu wishwe ari Perezida wa Irak ariwe Saddam Hussein.

Nk’uko televiziyo y’Abanya- Quatar Aljazeera yabitangaje, 28 mu bashakishwa cyane ni abo muri Islamic State, 12 bo muri Al-Qaeda na Abaathiste 20. Uru rutonde rugaragaraho buri muntu icyo ashinzwe ndetse n’ibyaha aregwa.

Ubwo uru rutonde rwashyirwaga ahagaragara tariki ya 4 Gashyantare 2018, byabaye nk’ibitunguye abantu kutabonaho Umuyobozi wa Islamic State Abu Bakr al-Baghdadi.

PNG - 518 kb
Uru rutonde rw’ibyihebe bishakishwa uruhindu ku isi ni narwo ruriho umukobwa wa Saddam


Byatumye ibiro ntaramakuru by’Abafaransa AFP bibaza inzego z’umutekano za Irak impamvu uyu mugabo uyobora Islamic State atari ku rutonde rw’ abashakishwa izi nzego ntizagira impamvu zitangaza.

Muri Nyakanga 2003 Raghad na mu rumuna we Rana n’ abana babo bahungiye mu gihugu cya Jorudaniya. Uyu mukobwa wa Saddam ashinjwa kugira uruhare mu bikorwa by’ubugizi bwa nabi anashyigikira imitwe y’iterabwoba akaba ari nacyo gituma ashyirwa ku rutonde rw’abashinjwa iterabwoba ku Isi.

PNG - 401.8 kb
Umukobwa wa Saddam Hussein, Raghad ku rutonde rw’abashakishwa uruhindu ku isi kubera ibikorwa byo gushyigikira iterabwoba


Igihugu cya Jorudaniya cyanze gutanga uyu mukobwa wa Saddam kikavuga ko binyuranyije n’ amahame y’umuco gakondo wacyo.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo