Umuhanzi Akon arifuza kuzasimbura Perezida Trump muri White House agakora ibyamunaniye

Umuhanzi Akon wo muri Amerika, akaba n’umushoramari mu bijyanye n’ingufu z’amashanyarazi akoresha imirasire y’izuba, yavuze ko ashaka kuziyamamariza kuyobora Leta Zunze Ubumwe zA Amerika agasimbura Perezida Donald Trump.

Aliaume Damala Badara Akon Thiam uzwi nka Akon ni Umunyamerika ufite inkomoka muri Senegal akaba ari umwe mu bahanzi b’ibyamamare n’ubwo muri iyi minsi ahugiye cyane mu bijyanye n’ubucuruzi bw’ingufu z’amashanyarazi y’imirasire y’izuba.
Yamenyekanye cyane mu ndirimbo nka Don’t Matter, Lonely, Right Now, Blame It On Me, Beautiful, Freedom, Keep Up n’izindi nyinshi.

Akon yatangarije TMZ dukesha iyi nkuru ko ari mu mipango yo kwiyamamariza kuyobora Leta Zunze Ubumwe z’Amerika mu mwaka wa 2020, agakuraho Perezida Donald Trump batavuga rumwe.

Akon yongeyeho ko yifuza guhura na Donald Trump ukunze kugira amagambo menshi kandi atyaye, bakajya impaka imbonankubone, akamwereka ibyamunaniye agiye gukosora.

PNG - 696.2 kb
Ubusanzwe Perezida Trump n’umuhanzi Akon ntibacana uwaka kimwe n’abandi bahanzi batandukanye bo muri Amerika batahwemye kugaragaza ko batamwemera


Uyu mwirabura w’imyaka 44 yavuze ko mu gihe yaba atorewe kuyobora Leta Zunzwe Ubumwe zA Amerika yazahita ashyiraho Marck Zuckberg washinze urubuga rwa Facebook nka visi perezida we.

Ukudahuza hagati ya Akon na Perezida wa Leta Zunze Ubumwe za Amerika Donald Trump kwatangiye ubwo uyu mugabo wanga abirabura yavuze ko ibihugu bya Afurika ari ibyobo bishyirwamo umwanda (shit hole), bikomeza kuba bibi ubwo Akon yangirwaga kujyana amashanyarazi mu gace ka Puerto Rico kashegeshwe n’umuyaga wiswe Hurricane Maria.

PNG - 795.3 kb
Umuhanzi Akon ufite inkomoko muri Senegal arifuza kuzicara muri White House asimbura Perezida Trump

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo