Umugore yarumye mukeba we ugutwi araguca bapfa umugabo w’umupfumu

Abagore 2 bo muri Uganda bafashwe na Polisi y’iki gihugu nyuma yuko barwanye inkundura bapfa umugabo basangiye kugeza ubwo umwe arumye mugenzi we ugutwi akaguca.

Mariam Nalwanga w’imyaka 35 niwe mugore mukuru naho Cissy Nakabuubi w’imyaka 30 niwe mugore muto umaranye n’umugabo amezi 6 gusa ariko akaba yabuzaga umugabo wabo gufasha umugore mukuru. Hamza Kayima w’imyaka 27 niwe mugabo wabo ndetse bombi bamuruta ubukuru mu myaka.

Inkuru yanditse mu kinyamakuru Theworldnews iravuga ko umugore mukuru ariwe Nalwanga yagiye mu rugo rw’umugore muto gusaba umugabo ubufasha bw’umwana bafitanye, agezeyo atangira gutangana atuka umugore muto amushinja kwiharira umugabo wenyine akamubuza gufasha umwana we.

Hamza Kayima n’umupfumu inzu abamo n’umugore we muto niyo akoreramo ubupfumu mu gihe Nalwanga aba Kibe zooni akaba ari umukozi wa KCCA akora akazi ko gukubura imihanda.

Muri uko gutongana niho umugore muto wa Kayima witwa Cissy Nakabuubi yafashe umugore mukuru amuruma ugutwi agucaho agucira hasi ako kanya Nalwanga yirutse ajya kuri Polisi gutabaza.

Twairi Kasembezza ukuriye Polisi muri ako gace yahise ajya gufata Cissy Nakabuubi n’umugabo we kugira ngo bisobanureho ku cyaha baregwa cyo kuruma umuntu bakamuca ugutwi. Ubu Cissy Nakabuubi akaba afungiye kuri polisi yo ku Karelwe mu mujyi wa Kampala.





Tanga igitekerezo kuri iyi nkuru



Igitekerezo