Umugabo yishe umugore we umurambo awumanika mu giti bitahurwa nyuma y’imyaka 8 yose

Umugabo witwa Bernard Shumba wo mu gihugu cya Tanzaniya yishe umugowe we ku wa 10 Nyakanga 2010 amumanika mu giti nyuma atangaza ko yaburiwe irengero imyaka umunani irashira kugeza ubwo ibisigazwa by’umubiri we bitahuwe mu mwenge w’igiti giherereye hafi y’aho batuye.

Umugabo witwa Bernard Shumba w’imyaka 47 y’amavuko ukomoka mu gace ka Yulansoni mu murenge wa Kinyangiri mu karere ka Mkalama mu ntara ya Singida mu gihugu cya Tanzaniya yishe umugore we witwaga Tabu Robert,mnyiramba wari ufite imyaka 28 y’amavuko wakoraga ubuhinzi abigira ibanga kugeza imyaka umunani irangiye ubwo yaje gutahurwa mu mwenge w’igiti ku bufatanye n’abaturage nk’uko Jamiiforums babitangaza.

Komanda wa Polisi mu ntara ya Singida, Deborah Magiligimba yemeje amakuru ko nyuma yo kugezwaho amakuru ko uyu mugabo yivuganye umugore we yahise atabwa muri yombi ari nabwo yaje kujya kwerekana aho yasize umurambo we nyuma yo kumwiyicira.

PNG - 833.9 kb
Komanda wa Polisi mu ntara ya Singida, Deborah Magiligimba yemeje amakuru ko Bernard Shumba yatawe muri yombi akurikiranwaho kwica umugore we


Kuri ubu Bernard Shumba ari mu maboko ya polisi nyuma yo gutahurwaho ko yishe umugore we akamumanika mu giti hagashira imyaka umunani ntawuzi aho uyu mugore yarengeye.

PNG - 1 Mb
Ibisigazwa by’umubiri wa Tabu Robert,mnyiramba byatahuwe mu mwenge w’igiti amakuru yamenyekanye nyuma y’imyaka 8 yose umugabo we avuze ko yamuburiye irengero
PNG - 829.1 kb
Ibi ni ibisigazwa by’umubiri wa Tabu Robert,mnyiramba
PNG - 887.9 kb
Abaturanyi b’uyu muryango bafatanyije n’abashinzwe umutekano bakuraga ibisigazwa by’umubiri wa Tabu Robert,mnyiramba mu mwenge w’igiti


Bernard yemeye ko yiyiciye umugore we akamumanika mu mwobo uri mu giti kinini kiri muri aka gace ari naho haje gusangwa ibisigazwa by’umubiri w’uyu mugore.

PNG - 885.1 kb
Umwenge uri muri iki giti niwo wamanitsemo umurambo wa Tabu Robert,mnyiramba hashira imyaka 8 yose ntawuratahura amakuru

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
tabu Kuya 26-03-2018

utazize inarabyaye azira inarashatse ariko kwica uwo mwashakanye ni icyaha gikomeye byongeyeho n’agashinyaguro