Umwana yashyinguranye umubyeyi we akayabo k’amafaranga abantu barumirwa

Mu gihe hirya no hino ku isi ibihugu bifatanyije n’imiryango mpuzamahanga byirirwa bihangana n’ikibazo cy’ubukene cyugarije isi muri iyi minsi, ntibibuza bamwe ko baba barya bakabona n’ibyo bajugunya mu gihe ikiremwa muntu cyugarijwe n’ingorane nyinshi z’ubuzima dore ko uko bukeye nuko bwije abantu bakurwa mu byabo n’ibiza runaka bigenda bibagwirira batiteguye ugasanga binabateje ubukene. Mu muhango wo guherekeza umugabo witwa Ivan Ssemwanga wo gihugu cya Malaysia, yashyinguranywe amafaranga asaga miliyoni zirenga 7, ibintu byatangaje abantu ndetse bamwe bakavuga ko bitari bkwiye bashingiye ko ntacyo byafasha uwatabarutse.

Bamwe bavuga ko ari nkaho uyu mugabo yabuze icyo akoresha aya mafaranga byatumye agera aho atekereza kuyagereka ku murambo bakayahambana n’uwapfuye nyamara abandi bakibaza uburyo umuntu ashobora kubura icyo amaze amafaranga mu gihe ubukene n’inzara bikomeje kuvuza ubuhuha henshi ku isi. Wenda ni ukugaragaza urukundo ntawamenya, ariko se ko n’ubundi aba atabibona buriya byaba bifite umumaro cyane, ntawamenya.

PNG - 1.1 Mb
Hari abatiyumvisha icyo aya mafaranga yashyinguranywe uwapfuye yazize


Birashoboka ko buri muntu agira uburyo bwe akoramo ibintu ariko na none hari ubikora ukabona yakabije kugira umwihariko ku buryo rimwe na rimwe bitorohera abantu kubyiyumvisha no gusobanukirwa icyo yari agamije.

PNG - 1.1 Mb
Uyu mugabo yashyinguranye umubyeyi we amafaranga


Mu cyumweru gishize rero niho habaye umuhango wo guherekeza umugabo witwa Ivan Ssemwanga wo gihugu cya Malaysia aho abagize itsinda rya Rich Gang Crew bageze ku gice cyo kumusezera bakajya bamurundaho amafranga isanduku iruzura ku buryo umurambo wo utari ukigaragara, nuko umuhungu we wari ugiye kumuhamba afunga isanduka arayamuhambana abantu barumirwa.
Gusa isanduka yaje gutabururwa ariko ntibikuyeho ko uyu wabaye umuhango w’amateka mu gushyingura muri icyo gihugu. Muri make ntibisanzwe dore ko amafoto y’iri herekeza kubera umwihariko waryo no kwibaza niba hatarabayemo kubura ubwenge, yakwirakwijwe ku mbuga nkoranyambaga abantu benshi bakibaza icyo uyu muhungu yari agamije yiyemeza gushyingurana ise amugeretseho akayabo k’amafranga.
Bivugwa ko ayo mafaranga yari yajugunywe ku murambo wa Ivan Ssemwanga uyashyize mu madolari yageraga ku bihumbi birindwi magana atandatu na mirongo itatu($7 630) uyashyize mu manyarwanda ashobora nko kugera kuri ( miliyoni zirindwi n’ibihumbi bitanu na magana atatu na mirongo inani atanu( 7 005 385). Aya yose akaba yari atwikiriye umurambo wa Ivan agaragara mu kirahure kibonerana cyari gifunze isanduka nkuko Ghafla dukesha iyi nkuru babivuga.

PNG - 976 kb
Uyu mugabo yageretse amafaranga ku murambo arangije aramushyingura


Uyu muhango ukaba warabereye mu majyepfo y’ahitwa Selangor hafi na Kuala Lumpur mu gihugu nyine cya Malaysia hariya ku mugabane w’Asia. Ariya mafaranga tuyabaze mu y’iwabo akaba angana n’ibihumbi mirongo itatu bya RM amafranga akoreshwayo (RM30 000).

Uyu mugabo yakoze ibi, mu gihe n’ubundi hirya no hino ku isi tugenda twumva inkuru z’abajura bataburuye imirambo bishakiramo ibintu by’agaciro biba byashyinguranywe abapfuye.

Urugero ni mu gihugu cya Kenya aho mu cyumweru gishize mu cyaro cya Kirichu kibarizwa mu gace ka Nyeri, abajura bitwikiriye ijoro bagataburura umurambo w’umugore wari umaze iminsi mikeya ashyinguwe, bagamije kwiba isanduku yari ifite agaciro k’amafaranga arenga ibihumbi 600 (mu manyarwanda) ndetse n’imyenda yashyinguranye byavugwaga ko ari iy’agaciro.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
J.p Kuya 3-02-2018

Nkawe uvuze ngo baritinwa. Abantu baba bitiranwa n’amafoto agasa. Ndamutse nyobora iki kinyamakuru , uwanditse iyi nkuru na chief editor nabirukana

xxx Kuya 1-02-2018

Ariko nujya ujya kunenga ibyanditswe ujye ubanza urebe ko nta source bifite ubone kuvuga ibyo ushaka kuko ndizera ko ibyo aba bakora babizi cyane ko source basizeho igaragaza ko aba bantu bitiranwa

Emmanuel Kuya 1-02-2018

Mwagiye mukurikira neza inkuru mukareka kubeshya abasomyi koko ? Yvan ssemwanga n’uwo muri Maleisiya koko ? Cyangwa n’umugabo wa Zari wo hiryaha muri Uganda ! Iyo ntabona iriya foto mwashyizeho nari kugirango n’undi bitiranwa. Mujye mubanza mutohoze neza inkuru mubone kuyitangaza.

xxxx Kuya 31-01-2018

Baritiranwa nshuti ngira ngo niba wasomye neza wabonye aho wabyisomera ugashira amagene

xxx Kuya 31-01-2018

Baritiranwa nshuti kandi ndizera atari bwo bwa mbere wumva abitiranwa

Jj Kuya 30-01-2018

ako nuba bazima muzafunge kuko ntabwenge kugira mushakishe amakuru maxims..igikumi gusa

Musabyinema Jeanne D’Arc Kuya 29-01-2018

Kuki mwandika mutubeshya. Semwaaga avuye mu bugande none abaye umunya maleziya? Kubeshya bibi