Umuforomo yishe umukunzi we amushinja kumwanduza COVID-19

Mu gihe hirya no hino abantu bari mu marira yo kubura abantu babo bari guhitanwa n’icyorezo cya Coronavirus/COVID-19, umuforomo w’Umutaliyani witwa Antonio Pace we yishe umukunzi we amushinja kumwanduza iyi Virusi.

Uyu muforomo yemereye ubushinjacyaha bw’iki gihugu ko ari we wiyiciye umukunzi we wari umudogiteri witwa Lorena Quartana amuhora ko yamwanduje icyorezo cya Coronavirus/COVID-19.

Nubwo ibizamini byari byabakorewe bombi byagaragaje ko batanduye iki cyorezo,uyu mugabo ngo yaketse ko uyu mukunzi we yamwanduje iki cyago ahitamo kumukura ku isi.

Antonio De Pace w’imyaka 28, yihamagariye abapolisi ababwira ko amaze kwica umukunzi we w’imyaka 27 witwa Lorena Quartana bakoranaga mu bitaro by’ahitwa Messina muri Sicily mu Butaliyani.

Abapolisi bahise baza bihuta basanga uyu muganga aryamye hasi mu nzu yabanagamo n’uyu mukunzi we Pace ndetse n’uyu mugabo yari yikomerekeje cyane.

Uyu Pace yahise ajyanwa kwa muganga aravuzwa hanyuma agezwe imbere y’ubugenzacyaha yiyemerera ko ari we wishe Lorena.

Yagize ati “Naramwishe muziza ko yanyanduje Coronavirus.”

Mu bizamini byari byakorewe aba bombi basanzwe ari bazima bituma ubugenzacyaha bukeka ko hari impamvu y’indi uyu mugabo yishe umukunzi we itari ukumwanduza Coronavirus.

Mbere y’uko apfa. Dr. Loreza yari yakoze raporo y’ukuntu abaganga barenga ibihumbi 12 bamaze kwicwa na Covid-19 ibintu yavuze ko bitari bikwiriye.

Ingabire Victoire yariye Karungu ku ngingo yo gukunda igihugu, abarya imfashanyo z’abakene na byo abivuzeho, byiyumvire muri iyi Video utapfa gusanga ahandi:





Tanga igitekerezo kuri iyi nkuru



Igitekerezo