Umubyeyi w’i Kigali yabaye umuntu wa 19 yishwe na Covid-19 mu Rwanda

Minisiteri y’Ubuzima, MINISANTE kuri iki Cyumweru tariki ya 06 Nzeri 2020 yatangaje ko umuntu wa 19 yishwe n’icyorezo cya COVID-19 mu Rwanda, uyu wabuze ubuzima akaba ari umubyeyi w’imyaka 76 wo mu Mujyi wa Kigali.

MINISANTE yatangaje kandi ko mu bipimo 3,481 byafashwe kuri uyu munsi, habonetsemo abarwayi bashya 25 ba Covid-19 barimo ab’I Kigali 16 (bapimwe mu bibasiwe kurusha abandi), Rusizi:4, Rubavu:3, Rwamagana:1, Kirehe:1.Abamaze kwandura bose ni 4,374.

Uyu munsi kandi hakize abantu bashya 36 bituma umubare w’abamaze gukira iki cyorezo bose uba 2,235, abakirwaye ni 2,120.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Kugeza ubu nubwo abahanga mu buzima bo mu bihugu bitandukanye bakomeje gukora iyo bwabaga, nta muti cyangwa urukingo bya COVID-19 biremezwa n’Ishami ry’Umuryango w’Abibumbye etita ku buzima, OMS.

Ibi bivuze ko umuti uhari kugeza ubu ari ugukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Na we araza kwisanga yageze i Kigali, urucira Mukaso rugatwara nyoko, Perezida Kagame avuga ku bamubitse ari muzima:





Tanga igitekerezo kuri iyi nkuru



Igitekerezo