Umubare munini cyane w’abanduye Covid-19 ku munsi umwe ku Isi

Ishami ry’Umuryango w’Abibumbye ryita ku buzima (OMS/WHO) ryatangaje ubwiyongere bwa mbere bwinshi ku munsi bw’abanduye Coronavirus bashya ku isi, biganjemo abo ku mugabane w’Amerika.

OMS yatangaje ko abarwayi bashya barenga 183,000 ari bo babonetse mu masaha 24 ashize.

Benshi muri bo, ni ukuvuga abarenga 50,000, babonetse muri Brazil, bakurikirwa n’abo muri Leta Zunze Ubumwe z’Amerika no mu Buhinde.

Ku ruhande rumwe, uko kwiyongera k’ubwandu bushya kuri guterwa no kwiyongera kw’ibikorwa byo gupima Coronavirus mu bice bitandukanye ku isi.

Ku isi ubu habarurwa abanduye barenga 8,900,000, muri bo abarenga 460,000 imaze kubica naho abarenga 4,400,000 bamaze kuyikira nkuko imibare ya Kaminuza ya Johns Hopkins yo muri Amerika ibigaragaza.

Kugeza mu gitondo cy’ejo ku Cyumweru tariki ya 21 Kamena 2020, mu bihugu 54 bya Afurika habarurwaga abantu 297,352 banduye ccronavirus, 142,475 bamaze kuyikira na 7,925 imaze kwica.

Imibare y’ikigo cy’Umuryango w’Ubumwe bw’Afurika gishinzwe kurwanya ibyorezo igaragaza uko byifashe mu bihugu bigize Umuryango w’Afurika y’Iburasirazuba:

- Kenya: 4,738, abakize 1,607, abo yishe 123
- Sudani y’epfo: 1,892, abakize 169, abo yishe 34
- Uganda: 770, abakize 578, abo yishe 0
- Rwanda: 728, abakize 359, abo yishe 2
- Tanzania: 509, abakize 178, abo yishe 21
- Burundi 144, abakize 93, umwe yishe


OMS ivuga ko kwiyongera kw’imibare y’abanduye COVID-19 biri guterwa nuko ibikorwa byo gupima abakekwaho na byo biri kwiyongera hirya no hino ku isi

Ishyaka rya DALFA-UMURINZI rya Ingabire Victoire ngo ryiteguye gukora ibishoboka byose, ngo rizanahatana mu matora ya Perezida ari imbere, n’ibindi byinshi tutavuze urabyiyumvira muri iyi Video utapfa gusanga ahandi umuvugizi w’iri shyaka abisobanura neza:





Tanga igitekerezo kuri iyi nkuru



Igitekerezo