Uganda igiye gufungurira umupaka impunzi za RDC

Leta ya Uganda irafungura igice cy’umupaka kugira ngo impunzi zigera ku 3,000 z’abanyecongo zinjire. Bivugwa ko aba ari abari guhunga ubushyamirane mu burasirazuba bwa Repubulika Iharanira Demokarasi ya Kongo.

Uganda isanzwe icumbukiye impunzi zirenga miliyoni imwe ziganjemo izo mu karere, gusa yari yarafunze imipaka mu kwezi kwa Gatatu mu kwirinda ikwirakwira rya Coronavirus.

Izi mpunzi bafunguriye umupaka zirabanza gushyirwa mu kato mbere yo gutuzwa mu nkambi nk’uko BBC iIbivuga.

Hashize ukwezi ibihumbi by’abavuye mu byabo muri RD Congo baraheze mu gace ka Ituri kegereye umupaka wa Uganda bifuza guhungira muri iki gihugu.

Leta ya Uganda amaherezo ubu yabemereye kwinjira.

Bazabanza bamare iminsi 14 mu kato mu kigo gishya cyabugenewe kiri kuri 13Km uvuye ku mupaka.

Ishami rya UN/ONU rishinzwe impunzi rivuga ko hazafatwa ibipimo bya bamwe muri izi mpunzi kugira ngo barebe niba badafitemo abanduye Coronavirus.

Ibi ngo bizafasha ababishinzwe kumenya igihe bazajyanwa mu nkambi.

Imiryango nterankunga igaragaza ibibazo byo kubahiriza amabwiriza yo kutegerana n’isuku mu nkambi z’impunzi.

Mu bantu hafi 900 banduye Coronavirus muri Uganda muri bo 52 ni impunzi.

Umuryango w’Abibumbye uvuga ko uhangayikishijwe n’ubushyamirane bwongeye kubura mu burasirazuba bwa Kongo, ahasanzwe hari impunzi miliyoni 5 imbere mu gihugu zavanywe mu byazo.

Ben Rutabana wo muri RNC ya Kayumba Nyamwasa ngo afungiye muri Uganda neza, Dr Kayumba agiye kugaragara imbere y’urukiko, Iperereza i Kigali kuri Kabuga Felicien:





Tanga igitekerezo kuri iyi nkuru



Igitekerezo