Uganda: Umukambwe w’imyaka 69 yanduje umwana yibyariye SIDA anamutwika inda

Uko bukeye nuko bwije isi ikomeje kugenda yadukaho ibintu bidasanzwe ndetse bifatwa nk’amahano mu miryango benshi bakunze gufatiraho bavuga ko isi iri ku iherezo ryayo, umukambwe w’imyaka 69 wo mu gihugu cy’abaturanyi cya Uganda usanzwe uzwiho ubupfumu yitereye umwana we yibyariye inda amukangisha ko mu gihe yaba atemeye ko baryamana atamuha ibyo kurya ndetse ko nta n’ubundi bufasha nk’umubyeyi we azongera kubona.

Kuri uyu wa mbere tariki ya 12 Werurwe, mu Karere ka Mpigi muri Uganda, Polisi yataye muri yombi umukambwe w’imyaka 69 wateye umwana yibyariye inda amukangisha ko n’agira icyo avuga cyangwa agahakana ibyifuzo bye azamwima ibyo kurya ndetse n’ubundi bufasha bwose yamuhaga nk’umubyeyi.

Vincent Ssenoga uzwi nka Jjaja Kasooba w’imyaka 69 uzwiho kwigira umuvuzi gakondo (umupfumu), yafashwe nyuma y’aho umugiraneza wari uzi ibikorerwa uyu mukobwa ahisemo kujyana ikirego kuri Polisi.

Polisi ikimenya ibi yahise yihutira kubikurikirana maze ihita ijyana uyu musaza utagira ubumuntu kuri Sitasiyo ya polisi ya Mpiri.

Uyu mukambwe si ugatera inda umwana we gusa kuko yanamwanduje n’agakoko gatera SIDA mu gihe cy’imyaka isaga irindwi yari amaze amusambanya ku gahato.

Vincent Ssenoga uzwi nka Jjaja Kasooba w’imyaka 69 yabanaga n’uyu mukobwa yangije gusa, kuko yamaze gutandukana n’abandi bagore be batandatu ndetse n’abana be bakuru bakaba baramaze kubaka ingo zabo abandi bakaba bakora mu duce dutandukanye muri iki gihugu nk’uko Daily Monitor yabitangaje.

Itegeko ryo muri Uganda rigena ko umuntu wese uhamwe n’icyaha cyo gusambanya ku gahato umwe mu bo mu muryango we (bafitanye isano) akamutera inda kandi atagejeje imyaka y’ubukure akatirwa igifungo cya burundu.

PNG - 1.1 Mb
Amahano nk’aya akunze kugenda agwiririra imiryango niyo bamwe baheraho bavuga ko isi igeze ku mpera zayo


Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
BYIRINGIRO Kuya 14-03-2018

hahhhh mbegamahano uruvangwarahemukira uwomujyambere koko nibamwice pe kuko nawe yishe uwomukobwawe urubozo we!!!!