Uganda: Impunzi zirimo n’Abanyarwanda zasabwe gusubira iwabo

Igihugu cya Uganda cyasabye impunzi z’Abanyarwanda, Abarundi n’abo muri Soudan y’Epfo, baba muri iki gihugu gusubira iwabo.

Minisitiri ushinzwe Ibiza n’impunzi, Hilary Onek, yavuze ko ibihugu ziturukamo bitekanye bityo zigomba gutaha.

Ati“Bimwe mu bihugu bifite umutekano muri politiki; kubw’ibyo impunzi zibiturukamo zigomba gusubirayo zigaturayo. Bamwe muri bo bakomeza kugenda bagaruka”.

Minisitiri Onek, yabigarutseho kuri uyu wa Kane, ubwo yabwiraga impuguke zo mu muryango w’ubukungu, IGAD, zitabiriye inama yiga ku murimo, imibereho, kwigira kw’impunzi no gusubira aho zaturutse.

Onek yavuze ko bamwe mu mpunzi aho kwitura Uganda uko yabakiriye bahindutse abanzi bayo.

Daily Monitor yanditse ko muri Uganda habarirwa impunzi z’Abanyarwanda zigera ku bihumbi 130, iz’Abarundi ibihumbi 14, mu gihe iz’abakomoka muri Soudan y’Epfo, zibarirwa muri miliyoni.

Sitati y’ubuhunzi ku Banyarwanda bahunze kuva mu 1959 kugeza 1998 yarangiranye na tariki 31 Ukuboza 2017.

Uwo mwanzuro wari usobanuye ko bakuririweho imfashanyo bahabwaga, bamburwa uburenganzira nk’impunzi ndetse ibihugu bibacumbikiye bisigarana uburenganzira bwo kubafata nk’ababibamo bitemewe n’amategeko.

U Rwanda rwashyize imbaraga mu gushishikariza impunzi z’Abanyarwanda gutaha ku bushake, runashyiraho uburyo bwo guha pasiporo abadashaka gutaha ariko bafite akazi bakora mu bihugu barimo, bakahaguma nk’Abanyarwanda baba muri Diaspora aho kwitwa impunzi.

Gusa Uganda yari yatangaje ko impunzi ziri muri icyo gihugu zitazakurirwaho iyo sitati, kuko ifite 18 000 ndetse zikomeje kwiyongera, ahubwo ngo yatangiye kureba uburyo bamwe bazahabwa ubwenegihugu.

PNG - 969.4 kb
Aha impunzi nshya z’abanya-Soudan y’Epfo ziyandikisha muri Uganda
PNG - 412 kb
Minisitiri wo kurwanya Ibiza no kwita ku mpunzi muri Uganda, Hilary Onek, yavuze ko ibihugu ziturukamo bitekanye bityo zigomba gutaha

@Umubavu.com





Tanga igitekerezo kuri iyi nkuru



Igitekerezo
Kayitesi Harriet Kuya 29-03-2019

Jye navukiye Uganda ababyeyi nanjye Bose basinguwe muri Uganda ariko ndashaka kujya murwa

Kayitesi Harriet Kuya 29-03-2019

Jye navukiye Uganda ababyeyi nanjye Bose basinguwe muri Uganda ariko ndashaka kujya murwa

Kayitesi Harriet Kuya 29-03-2019

Jye navukiye Uganda ababyeyi nanjye Bose basinguwe muri Uganda ariko ndashaka kujya murwa

Kayitesi Harriet Kuya 29-03-2019

Jye navukiye Uganda ababyeyi nanjye Bose basinguwe muri Uganda ariko ndashaka kujya murwa