Uganda: Abanduye icyorezo cya COVID-19 bamaze kuba 9

Mu gihugu cy’abaturanyi cya Uganda ubu abantu bamaze kugaragarwaho n’icyorezo cya COVID-19 giterwa na Virus ya Corona, bamaze kuba icyenda nkuko byatangajwe na Minisiteri y’Ubuzima yaho.

Umubare w’abanduye COVID-19 wazamutse nyuma yuko hari hatangajwe umurwayi umwe gusa nyamara nyuma ni bwo habonetse abandi umunani bose bahita bagera ku icyenda.

Ku wa Gatandatu tariki 21 Werurwe 2020 nibwo Leta ya Uganda yemeje ko muri icyo gihugu hagaragaye umuntu wa mbere wanduye icyorezo cya Coronavirus.

Uwo ni umugabo w’Umunya-Uganda w’imyaka 36 utuye mu gace ka Kibuki mu murwa mukuru Kampala, wageze muri Uganda kuri uwo munsi aturutse i Dubai, akaba yari mu ndege ya Kompanyi ya Ethiopian Airlines.

Kuri uyu wa Mbere tariki 23 Werurwe 2020 nibwo Uganda itangaje ko habonetse abandi umunani, bose bakaba ari abanya-Uganda baheruka gukorera ingendo i Dubai muri Leta Zunze Ubumwe z’Abarabu (UAE).

Babiri muri bo bageze muri Uganda bavuye i Dubai ku wa Gatanu w’icyumweru gishize, hari ku itariki ya 20 Werurwe 2020, abandi batandatu bagarutse muri Uganda ku Cyumweru tariki 22 Werurwe 2020, bose baturutse i Dubai, bakaba baraje mu ndege z’ikompanyi ya Emirates na Ethiopian Airlines.

Kugeza ku mugoroba wo kuri uyu wa Mbere tariki ya 23 Werurwe 2020, Minisiteri y’Ubuzima muri Uganda yavuze ko abagenzi 2,661 harimo n’Abanya-Uganda bakekwaho kuba baranduye bashyizwe mu kato, abandi basabwa kwishyira mu kato aho baherereye hose.

Abari gusenyerwa mu Kagari ka Nyarutarama bati "Bazane imbunda baturase, ngo ntibakitaye kuri Coronavirus yugarije u Rwanda ndetse n’Isi, ngo COVID-19 ni ibyo bari gukorerwa, indwara twayihinduye ibingibi, ntabwo indwara tukiyitayeho:





Tanga igitekerezo kuri iyi nkuru



Igitekerezo