US ivuga ko Mohammed bin Salman ari we watanze uruhushya rwo kwica Khashoggi

Inzego z’ubutasi za Leta Zunze Ubumwe za Amerika zashyize hanze raporo igaragaraza uburyo Igikomangoma cya Arabie Saoudite, Mohammed bin Salman, yicishije umunyamakuru ukomoka mu gihugu cye Khashoggi Jamal.

Ikinyamakuru CNN kivuga ko nyuma yo gusohora iyi raporo, Minisiteri y’Ububanyi n’Amahanga ya Arabie Saoudite yahise ibyamaganira kure ivuga ko igikomangoma cyayo kidafite aho gihuriye n’ibivugwa muri iyo raporo ndetse ko yuzuyemo ibinyoma gusa.

Amwe mu magambo yanditse muri iyo raporo agira ati “Twakoze ubushakashatsi dusanga igikomangoma cya Arabie Saoudite Mohammed bin Salman yarahaye uburenganzira abantu boherejwe gufata cyangwa kwica umunyamakuru wo muri Arabie Saoudite, Jamal Khashoggi, Istanbul muri Turikiya.”

Iyi raporo ikomeza ivuga ko ibi babishingira ku kuba iki gikomangama aricyo kigenzura ibyemezo byose bifatwa mu bwami bwa Arabie Saoudite, ndetse ko gishyigikira cyane ibikorwa byose byo gucecekesha abantu batavuga rumwe n’ubwami bw’igihugu cye harimo n’ibyabaye kuri Khashoggi.

Amerika imaze gusohora iyi raporo, Umunyamabanga wa leta muri White House, Antony Blinken, yavuze ko hagiye gusohoka ‘Khashoggi ban’, amategeko akakaye yo guhagarika ‘visa’ abayobozi baturuka mu bihugu bitandukanye bahohotera, batoteza cyangwa babuza amahwemo abanyamakuru, abaharanira uburenganzira bwa muntu cyangwa abandi bantu badashyigikiye ubutegetsi bwabo.

Yakomeje avuga ko aya mategeko nasohoka, ishyirwa mu bikorwa ryayo rizahera ku bayobozi 76 bo muri Arabie Saoudite n’imiryango yabo bakekwaho kwishora mu bikorwa byo guhohotera abatavuga rumwe n’ubutegetsi bw’igihugu cyabo harimo no kwica Khashoggi.

Khashoggi Jamal yaburiwe irengero tariki 2 Ukwakira mu 2018, ubwo yinjiraga mu nyubako ikoreramo uhagarariye Arabie Saoudite muri Turikiya agiye gusaba ibyangombwa bimwemerera gushyingiranwa n’umunya-Turikiya Hatice Cengiz, ariko agenda ubutagaruka.

Umukunzi we yatangiye gutabaza ariko ngo abakozi b’aho bamubwira ko yasohokeye mu rugi rw’inyuma. Mu gukomeza gushakisha nibwo hatangiye kuboneka amakuru ko yishwe

Khashoggi Jamal yapfuye asize abana batanu, ariko yari yaratandukanye n’umugore yitegura gushyingiranwa n’undi w’Umunya-Turikiya.

JPEG - 500.5 kb
Khashoggi Jamal yishwe azira umwuga we

UMUDEPITE YEMEREYE UMUBAVU KO IGIHUGU KIGIFITE IBIBAZO BYINSHI || U RWANDA RWABAYE URW’AKARENGANE

Igihe





Tanga igitekerezo kuri iyi nkuru



Igitekerezo