USA ntacyo irusha abandi muri demokarasi-Perezida Mnangagwa

Nyuma y’aho abaturage muri Leta Zunze Ubumwe z’Amerika bashyigikiye Perezida Donald Trump bakoreye imyigaragambyo ku ngoro y’Inteko Ishinga Amategeko, iki gihugu ubu cyabaye iciro ry’imigani ku mbuga nkoranyambaga abantu bakinenga ibi byahabaye mu gihe kivuga ko ari icya Mbere muri Demokarasi.

Preezida Trump yari yahamagariye abamushyigikiye imyigaragambyo bagana nyubako ya Capitol y’Inteko ya Amerika imitwe yombi kugira ngo baburizemo ibikorwa byo kwemeza itorwa rya Perezida uherutse gutsinda amatora Joe Biden.

Perezida wa Zimbabwe, Emerson Mnangagwa kuri uyu wa 7 Mutarama 2021, yifatiye ku gahanga Leta Zunze Ubumwe za Amerika yifashishije urubuga rwa Twitter, aho yavuze ko mu mwaka ushize, Perezida Trump uyoboye USA yashyiriyeho Zimbabwe ibihano by’ubukungu, iyishinja kurangwa n’ibikorwa bitandukira ihame rya demukarasi.

Ahera aha avuga ko iyi myigaragambyo yagaragaje ko USA atari igihugu gifite uburenganzira bwo guhana ikindi gihugu, ati “Ibyabaye ejo byerekana ko US idafite uburenganzira bwo guhana ikindi gihugu, igishinja kutagira demukarasi. Ib bihano bigomba guhagarara.”

Perezida Mnangagwa yakomeje ashimira Joe Biden watorewe kuyobora USA, agaragaza ko Zimbabwe yiteguye gukorana n’ubutegetsi bwe, ku bw’inyungu z’abaturage b’ibihugu byombi.

Leta Zunze Ubumwe za Amerika n’Umuryango w’Ubumwe bw’u Burayi biherutse gutangaza ko byagumishijeho ibihano byari byarafatiye Zimbabwe ku butegetsi bwa Robert Mugabe kubera ko itagaragaza ubushake bwo kuzamura urwego rwa demokarasi yayo n’iyubahirizwa ry’uburenganzira bwa muntu.

Ku wa Gatatu w’iki cyumweru nibwo abaturage bashyigikiye Perezida Donald Trump bigabije Inteko Ishinga Amategeko ya Amerika mu gisa n’imyigaragambyo, ubwo abari bayigize bari bateranye ngo bemeze intsinzi ya Joe Biden.

Ni igikorwa cyanenzwe na benshi aho bemeje ko kigaragaza ko Donald Trump adashaka gutanga ubutegetsi mu mahoro, mu gihe igihugu ayoboye aricyo cyirirwa gisaba ibindi byo hirya no hino ku Isi kubahiriza amahame ya Demokarasi.


Perezida wa Zimbabwe, Emerson Mnangagwa yaneguye Amerika ayibwira ko itari ikwiriye guhana ibindi bihugu ibihora demokarasi kandi nayo itayubahiriza

Mu mafoto: Uko byari bifashe muri iyi myigaragambyo ikomeye yageze mu nyubako y’Inteko



Inteko Ishinga Amategeko ya Amerika imitwe yombi yari yiteguye kwemeza intsinzi ya Joe Biden ariko bakwirwa imishwaro abigaragambya babasanze mu Nteko

Rwiyemezamirimo wabakoresheje yaburiwe irengero abarimo akabakaba miliyoni 10 none babuze aho babariza, n’iyo bagiye kwishyuza Polisi ibamerera nabi:





Tanga igitekerezo kuri iyi nkuru



Igitekerezo