USA: Umuntu wa mbere yishwe na Coronavirus

Leta Zunze Ubumwe za Amerika zatangaje ko umuntu wa mbere yamaze guhitanwa na coronavirus muri icyo gihugu, akaba yaguye muri Leta ya Washington.

Ubuyobozi bwatangaje ko uwapfuye ari umugabo wari ufite imyaka iri muri 50 wagaragazaga ibibazo by’ubuzima.

Perezifa Donald Trump yatangaje ko hari impungenge ko hari abandi bantu bashobora kwandura io virusi nubwo ashimangira ko gihugu cye cyiteguye guhangana n’iyo ndwara uko izaza imeze kose.

Inzego z’ubuzima muri Amerika zavuze ko uwapfuye yapfuye kuri uyu wa Gatandatu mu bitaro bya King County. Bavuze ko nta hantu na hamwe bazi yigeze atemberera vuba aha ku buryo yakabaye yicwa na coronavirus.

Guverineri wa Washington yatangaje ibihe bidasanzwe mu gihe bashyira imbaraga mu kurwanya no kwirinda ko hari undi muntu wahitanwa na coronavirus.

Umuryango Mpuzamahanga wita ku Buzima (OMS) watangaje ko muri Amerika habarirwa abantu 62 bamaze kwandura coronavirus.

Umuturage wa Amerika waherukaga gupfa yaguye mu mujyi wa Wuhan mu Bushinwa ari naho coronavirus yatangiriye.

Coronavirus ikomeje kwiyongera mu bindi bihugu biri hanze y’u Bushinwa. Kuri uyu wa Gatandatu, Australia nayo yatangaje ko hari umusaza w’imyaka 78 wapfuye azize iyo virusi, aba uwa mbere ihitanye muri icyo gihugu.

Kuri iki cyumweru na Thailand yatangaje ko umuntu wa mbere yapfuye, mu gihe 42 bamaze kwandura coronavirus.

Nibura abantu 85000 bamaze kwandura coronavirus mu bihugu 57 hirya no hino ku isi, mu gihe abasaga 3000 bamaze gupfa, abenshi ni abo mu Bushinwa.


Abantu Umuryango Mpuzamahanga wita ku Buzima (OMS) watangaje ko muri Amerika habarirwa abantu 62 bamaze kwandura coronavirus

Ibyavuze ko Itorero ADEPR ryaba rikorana n’abarwanya igihugu, Umuvugizi Wungirije uri mu nkiko akurikiranweho inyandiko mpimbano, abari abayobozi b’Itorero na bo bakurikiranweho n’inkiko kunyereza umutungo waryo, uko Itorero rihagaze ubu n’ibindi, Umuvugizi wa ADEPR, Rev. Pasitori Ephrem Karuranga yabigarutseho muri iki kiganiro kirambuye yagiranye n’UMUBAVU:





Tanga igitekerezo kuri iyi nkuru



Igitekerezo