U Bwongereza: Polisi yaburiye Noble Marara, wahoze mu basirikare barinda Perezida Kagame ko hari abashaka kumwivugana

Amakuru aturuka mu gihugu cy’u Bwongereza avuga ko Noble Marara, umwe mu basirikare bahoze barinda Perezida w’u Rwanda, Paul Kagame, yaburiwe n’igipolisi cy’iki gihugu ko hari abashaka kumwica.

Ikinyamakuru Thetimes cyo mu Bwongereza cyanditse iyi nkuru gitangaza ko Noble Marara, umugabo w’imyaka 43 yahungiye mu Bwongereza nyuma yo kuva mu Rwanda, ubu akaba aba mu gace ka Kent.

Iki kinyamakuru gitangaza ko ku wa Gatandatu nijoro aribwo Polisi yo mu Bwongereza yamusuye, imutangariza ko ubuzima bwe buri mu kaga, ko hari abashaka kumwica.

PNG - 697.3 kb
Bwana Marara avuga ko urwego rwihariye rwa Polisi y’u Bwongereza rwaje iwe mu rugo rukamusomera ibivuga ko ubuzima bwe bushobora kuzimangana umwanya uwo ariwo wose


BBC yo itangaza ko mu kiganiro yagiranye na Marara, yayitangarije ko igipolisi cy’u Bwongereza kitigeze kimutangariza neza abashaka kumugirira nabi, niba ari Leta y’u Rwanda arwanya cyangwa abandi. Gusa ngo yagisabye gukomeza kumuba hafi.

Ikomeza itangaza ko Noble Marara ari umuyobozi w’Ikinyamakuru Inyenyeri na Televiziyo ikorera ku murongo wa Internet, byose bicishwaho amakuru arwanya Leta y’u Rwanda nk’uko nawe yemera ko atavuga rumwe nayo.

PNG - 342.5 kb
Noble Marara yahoze ari mu basirikari barindaga Perezida Paul Kagame yaburiwe n’igipolisi cy’u Bwongereza ko hari abashaka kumwivugana





Tanga igitekerezo kuri iyi nkuru



Igitekerezo
Anna Muhingere Kuya 14-03-2018

Ikubuliye ntiba ikikuriye. Let’s pray that the police eye won’t leave you unattended dear Marara