Trump yasabwe kwegura ku butegetsi ashinjwa gushurashura

Abasenateri bane b’abagore ba Sena ya Leta Zunze Ubumwe za Amerika basabye Perezida Donald Trump kwegura ku mwanya w’umukuru w’igihugu nyuma y’aho ku munsi wa mbere tariki ya 11 Ukuboza uyu mwaka, aba bagore bamushinjije ko mbere yo kuba Perezida yagaragayeho imyifatire mibi yo kubashurashuraho ababuza amahwemo.

Aba basenateri b’abagore barimo Rachel Crooks, Jessica Leeds na Samantha Holvey bashinja Trump ko yabitwayeko nabi mbere yuko aba Perezida wa Leta Zunze Ubumwe za Amerika nkuko Ijwi rya Amerika dukesha iyi nkuru babivuga.

PNG - 717.6 kb
Rachel Crooks (ibumoso), Jessica Leeds (hagati) na Samantha Holvey bashinja Trump kubashurashuraho mbere yo kuba Perezida.


Umwe mu basenateri, Kirsten Gillibrand, Umudemokrate ubarizwa muri Leta ya New York, yavuze ko mu gihe Trump yakwima amatwi ibi, byatuma Inteko ihita iterana byihuta igatangiza iperereza ku byo ashinjwa.

Aba bagore uko ari batatu si ubwa mbere bashinja Trump ubushurashuzi kuko no mu mwaka ushize batanze ikirego cyabo. Ku munsi wa mbere nibwo aba bagore bongeye kugaragaza ukuntu Trump yabateshaga umutwe ashaka kubashurashuraho. Bityo bakavuga ko igihe kigeze kugira ngo Sena ya Amerika ihagurukire iki kibazo.

Ibiro by’umukuru w’igihugu, White house byatangaje ko ibyo bishinjwa Perezida Trump ari ibinyoma bidafite ishingiro.

Kuri ubu, abagabo barenga icumi bamaze kwegura mu Nteko Inshinga Amategeko ya Amerika nyuma y’aho abagore batandukanye bavugiye ko babateshaga ubutwe bagamije kubasambanya.

Mu minsi ishize Trump yavugishije abantu batandukanye nyuma yuko agaragaje ko ashyigikiye umukandida, Roy Moore wiyamamarizaga kuba umusenateri nawe washinjwaga icyaha cy’ubushurashuzi.

PNG - 610.1 kb
Trump wagaragaje ko ashyigikiye umukandida ushinjwa gushurashura

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo