Trump yandikiye Kim Jong-un amumenyesha ko inama bari bafitenye itakibaye

Umukuru w’igihugu cya Leta Zunze Ubumwe za Amerika, Donald Trump, yasibije inama yo mu kwezi gutaha i Singapore yagomba kuzamuhuza n’umuyobozi wa Koreya ya ruguru.

Yavuze ko byoba atari byiza bitewe n’icyo yise ishavu ry’ikirenga hamwe n’ugushyamirana kwerekanywe na Kim Jong-un mu nyandiko aheruka gusohora.
Mu rwandiko yandikiye bwana Kim, Prezida Trump yavuze ko gusibya iyo nama ari ku neza y’impande zombi, ngo ariko ni gihombo cy’isi.

Ariko uko bimeze kwose, yerekanye ko umuryango ugifunguye ku mubonano waba ikindi gihe.

Koreya ya ruguru "ntiterwa n’ubwoba bw’ibihano ifatirwa"
Koreya y’Amajyaruguru: Amerika yose iri ’mu cyico cya misile’
Koreya ya Ruguru: Amerika yahannye amasosiyete y’Uburusiya n’Ubushinwa
Hari abari bizeye ko kubonana kwaba bategetsi bizaba inzira y’amahoro no kuba intandaro ya koreya yaruguru ya guhagarika ibikorwa byo guhagarika gukora ibitwaro byakirimbuzi.

Iyo nama yasibijwe haciye amasaha make Koreya ya ruguru ivuze ko yashenye aho yageragerezaga ibitwaro byakirimbuzi.
Trump avuga ko guhagarika inama biri mu nyungu za Korea ya ruguru na Amerika, ariko ngo ni igihombo ku isi.

Ibisasu magana tatu mu kibanza cya Punggye-ri yaturikijwe mu muhango wari witabiriwe n’abanyamakuru batoranijwe, ariko nta bahanga bari batumiwe ngo nabo barebe.

Nyuma yaho, Koreya y’epfo yavuze ko ari intambwe ya mbere iboneye mu ntumbero yo kureka gukora ibitwaro by’ubumara, ariko ibyo byabaye mbere yuko Prezida Trump atangaza ko ahagaritse umubonano we na Kim Jong-un.





Tanga igitekerezo kuri iyi nkuru



Igitekerezo