Tanzania yongeye gushyira hanze imibare y’abanduye COVID-19

Nyuma y’ukwezi kose igihugu cya Tanzaniya kidatangaza amakuru ku cyorezo cya COVID-19, ubu cyongeye gushyira hanze aya makuru aho Minisitiri w’Intebe wacyo, Kassim Majaliwa yavuze ko mu gihugu hari abantu 66 barwaye Coronavirus, Leta yaherukaga gutangaza aya makuru kuri iki cyorezo ku wa 29 Mata 2020.

Minisitiri Majaliwa yavuze ko abo bantu 66 bari mu bitaro mu turere 10 tw’igihugu, yongeraho ko utundi turere 16 nta muntu ufite iki cyorezo uhari.

Mu minshi ishize Perezida John Magufuli yari yatangaje ko “nta Coronavirus ikiri muri iki gihugu” kubera amasengesho y’abaturage.

Mu kwezi gushize, Ambasade ya Amerika yaburiye ko mu mujyi wa Dar es Salaam ibitaro byaho “byuzuriranye” kandi ko ibyago byo kwandura iki cyorezo muri uwo muyi biri hejuru cyane gusa ntiyatangaje ibyo ishingiraho yemeza ibi.

Mu ijambo rye ejo ku wa Mbere, Minisitiri w’Intebe yavuze ko imibare y’abanduye mu gihugu yagabanutse. Asaba abaturage gukomeza ingamba zatangajwe zo kwirinda gukwiza iyi virus.

Umubare w’abantu bose hamwe banduye Coronavirus muri Tanzania ntabwo uzwi neza. Tariki 29 z’ukwezi kwa Kane ubwo baheruka gutangaza imibare leta yavugaga abanduye bose ari 509 na 21 yishe.

Tariki 01 z’uku kwezi kwa Gatandatu, Minisitiri w’Ubuzima Madamu Ummy Mwalimu yavuze ko muri Dar Salaam hari abarwayi bane gusa.

Amashuri yisumbuye, amakuru na za kaminuza yongeye gufungura tariki 01 z’uku kwezi, imikino nayo yongeye kwemererwa gutangira.

Iyumvire n’andi makuru muri iyi Video utapfa gusanga ahandi:





Tanga igitekerezo kuri iyi nkuru



Igitekerezo