Tanzania yemeje umuntu wa mbere ufite Coronavirus

Minisitiri w’ubuzima muri Tanzania, Ummy Mwalimu amaze gutangaza ko muri iki gihugu habonetse umuntu wa mbere ufite icyorezo cya Coronavirus.

Yabwiye abanyamakuru ko uyu ari umuturage wa Tanzania, akaba ari umugore w’imyaka 46 wageze muri iki gihugu avuye mu Bubiligi n’indege ya Rwandair.

Indege ya Rwandair isanzwe ikora ingendo muri Tanzania no mu Bubiligi.

Tanzania ibaye igihugu cya Gatatu muri aka karere kigezemo iyi Virus nyuma ya Kenya n’u Rwanda.

Minisitiri Mwalimu yatangaje ko uyu murwayi ari kuvurwa kandi ameze neza kugeza ubu.

Madamu Ummy Mwalimu yavuze ko Leta ya Tanzania yafashe ingamba zo kwitegura guhangana n’iyi ndwara mbere y’uko ihagera,

Covid-19 muri Afurika yo munsi y’ubutayu bwa Sahara kugeza ubu:

- South Africa 62
- Senegal 24
- Rwanda 5
- Cameroun 4
- Ivory Coast 4
- Ethiopia 4
- Burkina Faso 3
- Kenya 3
- Seychelles 3
- Nigeria 2
- RD Congo 2
- Namibia 2
- Sudan 1
- Centre Afrique 1
- Congo Brazza 1
- Gabon 1
- Guinea 1
- Eswatini 1
- Togo 1
- Tanzania - 1
- Somalia - 1

SIDA se irica, SIDA ntacyo itwaye, iki ni cyo kibi, ujya kurongora umuntu uzi ko arwaye SIDA uvuga uti ‘nzagenda bampe ikinini nibereho’ ariko Coronavirus nta muti ifite, abakire batitiye, byose barabivuze muri iyi Video :





Tanga igitekerezo kuri iyi nkuru



Igitekerezo