Tanzania: Hashyizweho amabwiriza mashya yo kwirinda Covid-19

Guverinoma ya Tanzania yashyizeho amabwiriza mashya yo gukumira ikwirakwira rya Coronavirus arimo kuba umuntu uzajya winjira muri iki gihugu avuye mu mahanga azajya abanza kujya mu kato mu gihe cy’iminsi 14.

Itangazo ryashyizwe ahagaragara na Guverinoma y’iki gihugu rivuga ko aya mabwiriza by’umwihariko aya gushyirwa mu kato areba abanyagihugu ndetse n’abanyamahanga aho bazajya basabwa kubanza kwerekana icyangombwa cy’uko bapimwe Covid-19.

By’umwihariko abaturuka mu bihugu birimo ubwandu bwinshi bwa Covid-19, bazajya babanza kongera kwipimisha bakigera muri Tanzania.

Iri tangazo ryashyizweho umukono n’Umunyamabanga Uhoraho muri Minisiteri y’Ubuzima, Prof Abel Makubi, rivuga ko ayo mabwiriza agomba gutangira kubahirizwa kuri uyu wa Kabiri.

Aya mabwiriza ashyizweho ku buyobozi bwa Perezida Samia Suluhu Hassan wagaragaje itandukaniro hagati ye n’ubuyobozi bwa Magufuli yasimbuye wavugaga ko icyorezo cya Covid-19 gitsindwa n’amasengesho.





Tanga igitekerezo kuri iyi nkuru



Igitekerezo
Xxx Kuya 4-05-2021

None se ko Magufuri utarayemeraga bamaze kunwivugana urwa nkurunziza wu Burundi urunva ingamba zabura gufatwa