Sudani: Abavandimwe ba Omar Al-Bashir na bo batawe muri yompi

Leta ya Gisirikare muri Sudani ivuga ko abagabo babiri bavukana n’umukuru w’igihugu uherutse gukurwa ku butegetsi, Omar al-Bashir, batawe muri yompi.

Umuvugizi w’igisirikare yatangaje ko icyo ari kimwe mu bigize urugamba rwo kurandurana n’imizi ubutegetsi bwa Bashir.

Avuga kandi ko imitwe yitwaje intwaro itahawe uburenganzira n’amategeko bwo yakorana n’ishyaka riri ku butegetsi, ngo gusa ubu byose biri mu biganza y’igipolisi n’igisirikare.

Mbere BBC yari yahawe amakuru n’igisirikare, abavandimwe n’inshuti za Bwana Bashir ko ari mu Kasho ku murwa mukuru Khartoum nyuma y’icyumweru we ahiritswe ku butegetsi.

Hagati aho imyigaragambyo yo irakomeje, abayirimo bakavuga ko batarota bava mu mihanda kugeza abakuru ba Gisirikare bari ku butegetsi babushyikirije abasivire.

Umunyamakuru wa BBC Alastair Leithead uri i Khartoum yashoboye kwibonera ubwe abari muri iyo myigaragambyo ikomeje hanze y’Ibiro bikuru bya Gisirikare.

Atangaza ko ibyo igisirikare kimaze kubaha bidakwiye, ari nacyo gituma batava mu mihanda kugeza habaye impinduka bifuza mu gihugu.

PNG - 608.2 kb
Abari mu myigaragambyo bavuga ko batazayihagarika kugeza abakuru ba Gisirikare bashyikirije ubutegetsi abasivire

@Umubavu.com





Tanga igitekerezo kuri iyi nkuru



Igitekerezo