Sir Alex Ferguson yafashe umwanzuro wo kureka inzoga

Uwahoze ari umutoza wa Manchester United wayihesheje ibikombe 13 bya Premier League,yamaze gufata umwanzuro ukomeye wo kureka kunywa umuvinyo witwa vintage vino yakundaga cyane kugira ngo abashe gukira neza uburwayi bukomeye aherutse kugira.

Uyu musaza w’imyaka 76 yakundaga uyu muvinyo bikomeye ku buryo yageze ubwo agura amacupa 800 yawo ayabika mu rugo, kugira ngo igihe awukeneye awesome nta gutinda,ariko uburwayi bwatumye awuvaho.

Umwe mu bakozi ba resitora yitwa La Mare Germaine yo mu mujyi wa Nice,yavuze ko ubwo Fergie yari yasuye amajyepfo y’iki gihugu,atigeze asoma n’intama n’imwe y’uyu muvinyo ahubwo yanywaga amazi gusa.

Yagize ati “Yanyoye amazi gusa nta n’igitonyanga cy’umuvinyo cyamugeze ku munwa.Sir Alex yakundaga umuvinyo cyane ariko yahagaritse kuwunywa.Ntitwishimye, ariko ubuzima bwe nibwo buza mbere.

Uyu munyabigwi wa Manchester United,aherutse kubagwa mu bwonko muri Gicurasi uyu mwaka bitera impungenge benshi mu bakunzi ba ruhago,batekerezaga ko ashobora kubura ubuzima,ariko yaje gukira nyuma ndetse aherutse kugaruka ku kibuga Old Trafford,kureba umukino wa Manchester United.

Umubavu.com





Tanga igitekerezo kuri iyi nkuru



Igitekerezo