Rutsiro yahagaritse abakozi 16 bashinjwa kunyereza umutungo wa leta

Ubuyobozi bw’Akarere ka Rutsiro bwatangaje ko bwahagaritse ku mirimo yabo abakozi 16 b’Akarere mu gihe cy’agateganyo gishobora kugera ku mezi 6 bakurikiranyweho gukoresha nabi no kunyereza umutungo wa Leta.

Iki cyemezo cyatangajwe n’Ubuyobozi bw’Akarere kuri uyu wa Kane tariki 6 Kanama 2020, aho bivugwa ko aba bakozi bahagaritswe harimo Abanyamabanga Nshingwabikorwa b’Imirenge.

Itangazo ryanyujijwe ku rukuta rwa Twitter rw’Aka karere rivuga ko Abanyamabanga Nshingwabikorwa b’Imirenge bahagaritswe ari batanu, abakozi 9 ku rwego rw’umurenge na 2 ku rwego rw’akarere.

Umuyobozi w’Akarere ka Rutsiro, Ayinkamiye Emérence yabwiye UKWEZI ko mu mezi ashize ko hashobora kuba hari icyuho mu gutanga ibikoresho byo kubaka imihanda y’imigenderano hafatwa icyemezo cyo kuba bahagaritswe kugira ngo iperereza ribanze rikorwe.

Ubwo aba bayobozi bahabwaga amabaruwa bose bari bakiri mu ngo zabo gusa ngo Urwego rw’Igihugu rushinzwe Ubugenzacyaha, RIB rushobora guhitamo kubafata bakabazwa bafunzwe cyangwa bari hanze.

Meya Ayinkamiye yasabye abayobozi kutararikira kunyereza umutungo wa leta no gukoresha neza ibyo bahawe na leta.

Yagize ati “Ni ugusaba abakozi bagenzi banjye ko tugomba gukora ibikwiriye kandi tukirinda iryo rari ryo kwangiza umutungo wa Leta no kwangiza umutungo w’abaturage dushinzwe kuyobora.”

Abahagaritswe mu nshingano bashobora kumara amezi atandatu nk’uko byatangajwe n’ubuyobozi gusa imyamya bari barimo baraba bayisumbuyemo na bamwe mu bakozi bakoranaga mu gihe iperereza ryazarangira bazagaruka mu kazi cyangwa nihaba hari ibyaha bakekwaho bakurikiranwe.

Umuturage wasenyewe ’Bannyahe’ ntiyumva uburyo uvuze nabi Leta amenyekana ariko umuturage wasenyewe ntamenyekane ngo akemurirwe ikibazo, yibaza imiyoborere y’iki gihugu uko imeze:





Tanga igitekerezo kuri iyi nkuru



Igitekerezo