RIB yataye muri yombi umugabo watanze ruswa ngo imibiri y’abazize Jenocide itimurwa

Kuri uyu wa gatatu mu murenge wa Rusororo mu karere ka Gasabo, RIB yataye muri yombi umugabo wageragezaga gutanga ruswa ingana n’ibihumbi 200 Frw kugira ngo aburizemo igikorwa cyo kwimura imibiri y’abazize Jenoside yakorewe abatutsi muri Mata 1994.

Urwego rw’igihugu rw’ubugenzacyaha rwataye muri yombi Mbarushimana Papias aha ruswa Nduwayezu Emmanuel ingana n’amafanga Rwfs200,000 kugirango ahagarike igikorwa cyo kwimura imibiri y’Abazize Genocide yakorewe Abatutsi mu 1994, ikekwa kuba yarajugunywe mu rugo rwe.

RIB yaboneyeho umwanya wo gusaba abaturage kwirinda umuco wo gutanga no kwakira ruswa kandi bagatangira amakuru ku gihe igihe babonye ahari ibyaha bifitanye isano na ruswa.

Mu murenge wa Rusororo hakunze kugaragara imibiri itarashyingurwa mu cyubahiro aho muri Mata uyu mwaka habonetse imibiri ibihumbi bitatu umuturage yarayubatse hejuru.

Ingingo ya 135 y’igitabo cy’amategeko ahana y’u Rwanda ivuga ko umuntu wese ukoze icyaha cy’ingengabitekerezo ya jenoside n’ibindi bifitanye isano na yo ahanishwa igifungo kuva ku myaka itanu kugeza ku icyenda n’ihazabu y’amafaranga y’u Rwanda kuva ku bihumbi ijana kugeza kuri miliyoni imwe.

@Umubavu.com





Tanga igitekerezo kuri iyi nkuru



Igitekerezo