Urwego rugenza ibyaha mu Rwanda ruzwi nka RIB, amakuru avuga ko rwataye muri yombi umunyamakuru w’imwe muri Televiziyo zikorera ku butaka bw’u Rwanda (itavuzwe iyo ariyo) w’imyaka 26 y’amavuko bikavugwa ko akurikiranyweho icyaha cyo gukoresha umukobwa imibonano mpuzabitsina ku gahato.

Ikinyamakuru IGIHE cyatangaje iyi nkuru, kivuga ko ngo gifite amakuru yizewe yuko uwo munyamakuru yafatiwe mu Karere ka Kicukiro mu Murenge wa Kagarama mu Mudugudu wa Muyange mu ijoro rishyira kuri uyu wa Mbere akurikiranyweho icyaha cyo gukoresha imibonano mpuzabitsina ku gafato umukobwa w’imyaka 22 y’amavuko na we utavuzwe amazina.

Umuvugizi w’Umusigire wa RIB, Dr Murangira B. Thierry, yemeje amakuru y’itabwa muri yombi ry’uwo musore, avuga ko ubu afungiye kuri Station ya RIB ya Kicukiro mu gihe iperereza rigikomeje.

Uwo mukobwa wahohotewe we yoherejwe ku Isange One Stop Center kugira ngo akorerwe isuzuma ahabwe n’ubutabazi bw’ibanze.

Dr Murangira yasabye abanyarwanda kwirinda ibyaha nk’ibi by’ihohoterwa yaba irishingiye ku gitsina n’irindi iryo ariryo ryose.

Ati “RIB iraburira abahohotera abantu cyane cyane abakora ihohotera rishingiye ku gitsina ryaba ari irikorerwa abana cyangwa abantu bakuru, ikaba isaba abantu kugendera kure ibyo byaha.”

Icyaha cyo gukoresha undi imibonano mpuzabitsina ku gahato gihanishwa igifungo cy’imyaka itari munsi y’icumi ariko itarenze 15 n’ihazabu iri hagati ya miliyoni imwe na miliyoni ebyiri z’amafaranga y’u Rwanda.

URUBANZA RWA NIYONSENGA DIEUDONNE uzwi nka Cyuma Hassan wa ISHEMA TV RWAHINDUYE ISURA, MENYA IMYANZURO Y’URUKIKO:

---

---