RDC yarekuye imfungwa 1,200 kubera COVID-19

Muri iki gihe Isi ihanganye n’icyorezo cya COVID-19 gikomeje guhitana ubuzima bwa bamwe, mu bihugu bitandukanye hafashwe ingamba zikomeye mu rwego rwo kwirinda ikwirakwira ry’iki cyorezo zirimo no kurekura zimwe mu mfungwa cyane cyane nk’izari zifungiye ibyaha byoroheje.

Ku gicamunsi cyo kuri uyu wa Gatatu tariki ya 08 Mata 2020, Minisiteri y’Ubutabera muri Repubulika Iharanira Demokarasi ya Kongo yarekuye imfungwa 1,200, bijyanye n’ingamba nshya zo kugabanya ubucucike mu magereza mu kurwanya no kwirinda ikwirakwira ry’icyorezo cya Coronavirus/COVID-19.

Minisitiri w’Ubutabera muri RDC, Célestin Tunda yavuze ko abo barekuwe ari abahamwe n’ibyaha byoroheje.

700 muri abo bafunguwe ni abo muri Gereza ya Makala yo mu murwa mukuru Kinshasa, imwe mu magereza arimo ubucucike bwinshi cyane mu gihugu.

Bwana Tunda yavuze ko hari izindi mfungwa zizarekurwa.

Yanashishikarije abacamanza gukatira igifungo gusa abahamwe n’ibyaha bikomeye nk’ubwicanyi no gufata abagore ku ngufu.

RD Congo imaze kwemeza abarwayi 180 ba Covid-19, indwara yo mu myanya y’ubuhumekero iterwa n’ubu bwoko bushya bwa Coronavirus.

Muri abo 18 imaze kubica, naho 9 barayikize, nkuko imibare ya Kaminuza ya Johns Hopkins yo muri Amerika ibigaragaza.

Leta ya DR Congo yashyizeho ibihe bidasanzwe mu gihe cy’ibyumweru bibiri mu gace ka Gombe kari mu nkengero za Kinshasa, mu gukumira ikwirakwira ry’icyorezo cya Coronavirus.

Abamotari baratabaza ngo inzara igiye kubica, Leta yarabigaramye, bari hagati nk’ururimi:





Tanga igitekerezo kuri iyi nkuru



Igitekerezo