RDC: Abantu 150 baburiwe irengero nyuma y’impanuka y’ubwato

Perezida wa Republika Iharanira Demokarasi ya Kongo, Félix Tshisekedi, atangaza ko abantu bagera ku 150 bapfuye nyuma y’aho ubwato barimo buzitse ku munsi wa mbere mu kiyaga Kivu kiri mu burasirazuba bw’icyo gihugu.

Mu butumwa yacishije ku rubuga rwe rwa Twitter, Bwana Tshisekedi yanditse ati: "Ndababajwe cyane n’ubwato bwakoze impanuka ku wa 15 z’ukwezi kwa kane mu kiyaga Kivu aho abantu 150 baburiwe irengero".

Bwana Tshisekedi avuga ko ari kubikurikiranira hafi kugira ngo ababifitemo uruhare bamenyekane kandi bahanwe. Yihanganishije imiryango yaburiye ababo muri iyo mpanuka.
Delphin Mbirimbi, ari mu baharanira uburenganzira bwa muntu mu ntara ya Kivu y’Amajyepfo, yabwiye Ibiro Ntaramakuru by’Abongereza, Reuters ko ubwo bwato bwakoreye impanuka mu kiyaga Kivu, hafi ya Territoire ya Kalehe, buvuye mu ntara ya Kivu y’Amajyaruguru bihana urubibe.

Avuga ko imirambo itatu ari yo yari imaze kuboneka, abantu 33 bararokorwa, abandi 150 baburirwa irengero.

Impanuka zihitana abantu ziragwiriye muri iki gihugu kinini, kigizwe n’amashyamba manini ariko kikagira amabarabara make kandi ahanini ameze nabi.

Abagenzi bo muri iki gihugu bakaba bifashisha amato, akenshi arenza imibare y’abo aba yemerewe gutwara.

PNG - 177.6 kb
Abantu batari bake bakunze gufata ingendo n’amato mu kiyaga cya Kivu berekeza mu mpande zitandukanye

@Umubavu.com





Tanga igitekerezo kuri iyi nkuru



Igitekerezo