Polisi y’u Rwanda yemeje umwirondoro w’umupolisi wishwe na Covid-19

Polisi y’u Rwanda yatangaje ko umupolisikazi uheruka kwicwa na Coronavirus yitwa Mbabazi Enid, akaba yari mu butumwa bwo kugarura amahoro i Malakal muri Sudani y’Epfo.

Polisi yatangaje ko abapolisi b’u Rwanda bari mu butumwa bwo kubungabunga amahoro mu gihugu cya Sudani y’Epfo bakomeje kuzuza inshingano zabo ari nako bakomeza kubahiriza amabwiriza yo kwirinda Coronavirusi.

Umwe mu bapolisi wakoranaga na Mbabazi Enid mu butumwa bw’amahoro i Malakal ejo yabwiye BBC ko bafite impungenge z’uko hari abandi baba baranduye kuko Mbabazi yakoraga akazi ko kwita kuri bagenzi be.

Mbabazi, w’imyaka 24, yari umupolisikazi w’ipeti ribanza mu gipolisi cy’u Rwanda rya ’Police Constable’ wagiye mu kiciro giheruka gusimbura ikiciro cy’abapolisi bacyuye igihe cyabo mu butumwa i Malakal nk’uko bagenzi be babibwiye BBC dukesha iyi nkuru.

Polisi y’u Rwanda isubiramo amagambo y’umuvugizi wayo CP Jean Bosco Kabera ko "Polisi y’u Rwanda ibabajwe n’urupfu rwa PC Mbabazi Enid wari kumwe na bagenzi be mu butumwa bwo kurinda amahoro muri Sudani y’Epfo ahitwa i Malakal..."

Umuvugizi w’igipolisi cy’u Rwanda avuga kandi ko bari "gukora ibishoboka byose kugira ngo abari mu butumwa bagume batekanye" kandi ko "babizeza umutekano".

Ati "Turimo kubigisha uko iki cyorezo gikwirakwira ndetse n’uburyo bwa nyabwo bwo kukirinda. "

Polisi y’u Rwanda ivuga ko abakuriye ubu butumwa bw’amahoro nabo batanze ubutumwa butandukanye bwihanganisha u Rwanda n’umuryango wa Mbabazi Enid.

Muri Sudani y’ejo, Radio Miraya y’ubutumwa bwo kugarura amahoro bwa UNMISS ivuga ko ku wa Kabiri gusa habonetse abantu 323 bashya banduye Coronavirus, imibare yose hamwe imaze kugera ku 1,317.

Mu Rwanda hamaze kuboneka abantu 397 banduye COVID-19, muri bo 271 bamaze kuyikira mu gihe babiri yabahitanye.


Mbabazi yari mu bapolisi b’u Rwanda baheruka kujya mu butumwa bw’amahoro

Ingabire agomba gupfa cyangwa akicwa, ibikubiye mu ibaruwa yandikiwe Sena ya Amerika:





Tanga igitekerezo kuri iyi nkuru



Igitekerezo