Polisi y’u Rwanda yataye muri yombi 2 bakekwaho gukwirakwiza amadolari y’amiganano

Amakuru aturuka muri Polisi y’u Rwanda ikorera mu Mujyi wa Kigali aremeza ko, bataye muri yombi abantu babiri, bakekwaho gukwirakwiza amadolari y’amiganano.

Abatawe muri yombi nk’uko urubuga rwa twitter ya Polisi y’u Rwanda rwabitangaje, ngo ni uwitwa Ishimwe Patrick na Kagiraneza Théogène.

JPEG - 60.2 kb
Kuri twitter ya Polisi y’igihugu bemeje aya makuru

Kuri twitter bagize bati:” Polisi ikorera mu mujyi wa Kigali yafashe Ishimwe Patrick ufite imyaka 27 y’amavuko na Kagiraneza Théogène ufite imyaka 21, aba bombi bafatanwe amadolari 800 y’amiganano. “

Ingingo ya 601 y’igitabo cy’amategeko ahana y’u Rwanda ivuga ko, umuntu wese uhimba, ukoresha cyangwa ukwirakwiza mu buryo ubwo ari bwo bwose ibintu byose byakwitiranywa n’amafaranga cyangwa izindi mpapuro zivunjwamo amafaranga, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’amafaranga y’amahimbano.

JPEG - 38.1 kb
Photo internet





Tanga igitekerezo kuri iyi nkuru



Igitekerezo