Polisi n’igisirikare bari bicanye kubera amabuye y’agaciro

Abasirikare ba Uganda na Polisi bakorera mu mu Karere ka Mubende, bashyamiranye nyuma y’aho batumvikanye ku mushoramari ugomba gucukura amabuye y’agaciro muri ako gace.

Amashusho yashyizwe ahagaragara n’ikinyamakuru The New Vision, agaragaza abapolisi barimo gushyamirana n’abasirikare, ibintu bimara iminota itari mike kandi bose bitwaje intwaro.

Intandaro y’iki kibazo yadutse ubwo abashoramari babiri bacukura amabuye y’agaciro muri aka gace bananirwaga kumvikana, bituma haza abapolisi kugira ngo bahoshe icyo kibazo.

Nyuma yo kujya mu nkiko, amategeko yaje kwemerera uwitwa Mustafa Semih kuba ariwe uhakoresha, gusa polisi ntiyabiha agaciro kuko yabujije ko bakomeza imirimo.

Umwe mu bayobozi muri aka gace ubwo yazanaga n’inzego z’umutekano zirimo igisirikare gushyira mu bikorwa ibyemezo by’inkiko, nibwo polisi yabitambitse ndetse habaho gushyamirana gukomeye.

Hussein Kato Matanda, yagize ati “Ubwo twageragezaga kwinjira, abashinzwe umutekano wacu bafunguye inzira yerekeza aho hantu hacukurwa kuko bazi ko aritwe bayobozi baho, ariko igitangaje aba bapolisi baje batubuza kwinjira, ibi bimaze kuba nibwo umwe mu bashinzwe umutekano wanjye yaje akababwira ko aba barimo kwinjira aribo ba nyiraho ariko ntibabiha agaciro.”

Nyuma yo gushyamirana hagati y’izi nzego zose z’umutekano, byatumye uyu muyobozi ava mu modoka yereka abapolisi impapuro zimwemerera kuza kuhatanga ariko ntihagira igikorwa.

Ibi byatumye abasirikare bafata umwanzuro wo kuza kwaka umwe mu bapolisi imbunda yari afite.

Uyu mushoramari avuga ko bitumvikana uburyo yagiye akoresha amafaranga menshi mu nkiko kugira ngo agaruze ahantu he, ariko inzego z’umutekano zikaba zitubaha ibyemezo by’ubutabera.

Mustafa Semih Yagize ati “Hashize hafi iminsi 20 mbonye amabwiriza y’urukiko ariko ntabwo barimo no kubaha aya mabwiriza, ntabwo nzi neza niba leta izi ibintu nk’ibi, uyu mupolisi ntabwo arimo kubaha imyanzuro y’urukiko.”

Matanda we avuga ko “Kutubaha amategeko bikagera n’aho abantu batubaha amabwiriza y’urukiko bigomba guhagarara, perezida ubwe yaduhaye amabwiriza yo kubungabunga abashoramari bacu.”

Iki kinyamakuru kivuga ko aba bapolisi n’ubu bari muri aka gace ariko inkiko zabategetse kuhava mu minsi mike.


Polisi ya Uganda yashyamiranye n’igisirikare cy’iki gihugu kubera amabuye y’agaciro

Ese wamenye uko Barafinda RIB yajyanye gusuzumisha mu mutwe i Ndera abayeho?, Umugore we arabivuze byose muri iyi Video:





Tanga igitekerezo kuri iyi nkuru



Igitekerezo