Pierre Buyoya wayoboye u Burundi yitabye Imana ku myaka 71

Ku myaka 71 y’amavuko, Pierre Buyoya wayoboye igihugu cy’u Burundi inshuro ebyiri mu bihe bitandukanye yapfuye kuri uyu wa Gatanu tariki ya 18 Ukuboza 2020.

Kugeza ubu icyamuhitanye ntikiramenyekana ariko Ijwi rya Amerika ryatangaje urupfu rwe bwa mbere, ryavuze ko hakekwa ko yaba yazize icyorezo cya Coronavirus.

Umwe mu bo mu muryango wa Buyoya, yabwiye Ikinyamakuru Iwacu ko yapfuye ubwo yari mu nzira ajyanywe kuvurirwa mu Bufaransa.

Major Pierre Buyoya yayoboye u Burundi inshuro ebyiri (1987-1993, 1996-2003). Uyu mugabo aza ku mwanya wa Kabiri mu bakuru b’igihugu bayoboye u Burundi imyaka myinshi (13).

Yari aherutse kwegura ku mwanya w’Intumwa nkuru y’Umuryango wa Afurika Yunze Ubumwe (AU) mu bibazo bya Mali na Sahel, nyuma y’iminsi mike akatiwe gufungwa burundu.

Urukiko rwo mu Burundi rwamukatiye igifungo cya burundu nyuma yo kumuhamya uruhare mu rupfu rwa Perezida Melchior Ndadaye wishwe mu 1993.

Mu ijoro ryo ku wa 21 Ukwakira 1993, nibwo Umutwe w’Abasirikare b’u Burundi wafashe umukuru w’igihugu, Melchior Ndadaye, wa mbere wari ugiyeho biciye mu matora ya demokarasi, uramwica.

Iyicwa rye ryakurikiwe n’ubwicanyi bwo kwihorera hagati y’Abahutu n’Abatutsi, Abarundi benshi bagera mu bihumbi 300 barishwe, abandi barahunga.
Buyoya aheruka kuvuga ko atemera ibihano yafatiwe kuko urubanza rwabaye ku nyungu za politiki kandi rukaba binyuranyije n’amategeko.

Yavuze ko urubanza rwatangiye rugamije kuyobya amahanga ku mvururu zakuruwe na manda ya Gatatu ihabanye n’Itegeko Nshinga ya Perezida Pierre Nkurunziza hagamijwe ubukangurambaga bushingiye ku moko buganisha ku matora yabaye mu 2020.

Yavuze ko kandi kuba rwarasomwe mu gihe hibukwa imyaka 27 Ndadaye yishwe, na byo ngo ni ibyo kwibazwaho kuko bigamije kunezeza imitima y’abantu gusa.

Buyoya yari aherutse kuvuga ko azajuririra igihano yahawe kugira ngo agaragaze uburyo ari umwere.


Urupfu rwa Buyoya rusa nk’urwatunguranye

ICYO U RWANDA RWASUBIJE UMUDEPITE WO MURI AMERIKA WANDIKIYE PEREZIDA KAGAME AMUSABA KUREKURA ’BYIHUSE’ RUSESABAGINA:





Tanga igitekerezo kuri iyi nkuru



Igitekerezo
-xxxx- Kuya 23-12-2020

Ndavuga k,urupfu rw,umwicanyi ruharwa petero buyoya. Ko batavuga abanyagihugu yarimbuye b,amakomine2 Ntega na Marangara akoresheje uburozi bwa napalm yavanye kwa kadhaffi. Ko batavuga uwaruhagalariye OMS mu Burundi amuhoye ko amubajije aho amahera yo gufasha abarwayi ba sida yaburiye. Yaramugandaguye. Uretse kwica yar,umusuma butwi. Yasahuye amafaranga yagomba gushiramo kaburimbo mu barabara riva Bujumbura Bubanza gushika i Ndora mu Cibitoki. Yitwaje ngo nta kaburimbo mu batwa nkaho nabo atar,abanyagihugu. Imyaka yose yamaze k,ubutegetsi yaranzwe n,agahinda n,imiborogo kuva kuri micombero. Ngo barabyara. La fin des tyrans c,est la même. Qui tue par l,éppée pèrira par l,éppée. Yari ruharwa arenze aba nazi. Je suisun témoin oculaire de tous les tristes évenements qui sont passés au Burundi. Uwakenera kumenya ibi.renze azondondere. Nahunze 1972.