Perezida Trump yatutse ibihugu bya Afrika, Haiti na El Savador abyitwa imyanda

Ari mu biro bye, White House, Perezida wa Amerika yamaganye ndetse anatuka abimukira bo mu bihugu bimwe bya Afurika, Haiti na El Savador binjira mu gihugu ayoboye mu buryo bufifitse.

Nk’uko byandikwa n’ikinyamakuru Washington Post, kuri uyu wa kane Perezida Trump aganira n’Abadepite yagize ati "Kubera iki tubemerera kwinjira mu gihugu bavuye mu bihugu ’by’umwanda?”. Aya magambo Trump yabwiye Abadepite bivugwa yavugaga abimukira bakomoka mu bihugu byo ku mugabane wa Afrika, Haiti na El Salvador.

Ibiro by’umukuru w’igihugu, White House ntibihakana ibyo Trump yavuze birimo bisubirwamo n’ibinyamakuru bitandukanye.

Bamwe mu banyepolitike b’i Washington bakunze kuvuganira ibindi bihugu ariko Trump avuganira Abanyamerika gusa nkuko biri mu itangazo ry’umuvugizi w’ibiro by’umukuru w’igihugu, Raj Sha.

Iryo tangazo rikomeza rivuga riti “Niba hari n’ibindi bihugu bifite abimukira bakwiye kubibamo, Trump arwanira ingingo yatuma Amerika yakira abashobora kugira icyo bayimarira mu mibano, mu guteza imbere ubutunzi bwacu no kubana neza n’abanyagihugu bacu.

Trump ntashobora kwemera uburenganzira bw’umwanya muto bushobora gutera ingorane Abanyamerika, kandi ntazemera abantu bashaka kuza gushaka ubuzima bwiza muri Amerika badaciye mu nzira zemewe n’amategeko.

PNG - 904.4 kb
Abari mu myigaragambyo bamagana uwango Trump afitiye abimukira


Trump yavuze aya magambo mu gihe Abadepite bo mu mashyaka yose bari bagiye kumureba kugira ngo bamushyikirize itegeko rigenga abimukira ntaho ryibogamiye.

Umusenateri wo mu ishyaka ry’Aba demokrate yarimo avuga ku byerekeye uburenganzira bw’agateganyo buhabwa ku bantu baje bava mu bihugu byatewe n’ibiza, intambara cyangwa indwara z’ibyorezo nk’uko bivugwa n’ibinyamakuru bitandukanye.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
bahizi Kuya 13-01-2018

ndababaye kuko ibyo bitwereka àban ya merika babazungu kandi nibo beshi nibo bisambo. bagira igifu kinini kandi ni o igira inama abaperezida bâ afrika kutava kubutegetsi bakabesha ngo nidemokarasi