Perezida Trump akomeje gutarangwa n’umugore ushimangira ko basambanye mbere yuko afata ubutegetsi

Umunyamideli Karen McDougal avuga ko yagiranye ubucuti na Donald Trump imyaka myinshi mbere y’uko atorerwa kuba Perezida wa Leta Zunze Ubumwe za Amerika, by’umwihariko agahamya ko basambanye, Trump agashaka kumuhonga amafaranga akanga.

Aganira na CNN, Karen yatangaje ko yagiranye ubucuti budasanzwe na Trump mu gihe cy’amezi 10, hagati ya 2006 na 2007. By’umwihariko ko Trump yamuhaye ibihumbi 150 by’amadolari yo kumusaba kutazamena ibanga.

Yatangarije CNN ko asambana bwa mbere na Trump hari mu 2006, muri Los Angeles Hotel. Avuga ko basambanye nyuma y’igihe gito umugore wa Trump, Melania yibarutse umwana wabo w’umuhungu witwa Baron.

Yagize ati “Nyuma yo gukorana imibonano mpuzabitsina, yagerageje kunyishyura amafaranga, gusa njye ntabwo nari nzi icyo we yatekerezaga, naramwitegereje cyane ndamubwira nti ntabwo ariko biri, ntabwo ndi mu gatebo kamwe n’abakobwa bateye uko”.

Akomeza avuga ko kuba Trump yarashatse kumwishyura barangije gusambana, byamubabaje kuko yari amushyize mu gatebo kamwe n’abakobwa bicuruza, gusa ngo hagati yabo iyo babaga bari kumwe, umwe yabaga yishimiye undi.

Nyuma yaho aya makuru amenyekaniye Mme McDougall, ngo yagiye asabwa kuzabika ibanga, mu gihe ubu akomeje kuryasasa mu binyamakuru.

Karen McDougal ni umunyamerikakazi w’imyaka 47 y’amavuko, azwi mu mwuga wo kumurika imideli, gukina filimi,…azwi cyane muri Filimi ‘The Arena’.

PNG - 563.7 kb
Iyi foto ya Karen McDougal na Donald Trump bafotowe mu 2006
PNG - 570.6 kb
Karen McDougal ntiyahwemye kuvuga ko yasambanye na Trump mbere yuko aba Perezida


Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo