Perezida Museveni agiye kujyanwa mu nkiko n’umuhanzi

Big Eye, umuhanzi wo muri Uganda avuga ko agiye kujyana mu nkiko Perezida Museveni n’ishyaka rye NRM riri ku butegetsi kubera ideni rya miliyoni 270 z’Amashilingi ya Uganda bamurimo.

Uyu muhanzi avuga ko afite umugambi wo kurega Perezida wa Uganda kubera uburyo yanze kumwishyura nyuma yo kumufasha ubwo yiyamamarizaga kuba Perezida wa Uganda mu 2011 nkuko ikinyamakuru Sqoop cyandika imyidagaduro muri iki gihugu kibivuga.

Big Eye ubusanzwe witwa Ibrahim Mayanja, yavuze ko ibaruwa igaragaza ko agiye kurega, yandikiwe Perezida cyane cyane ko ari we muyobozi w’ishyaka riri ku butegetsi rya National Resistance Movement (NRM) ryari ryamuhaye akazi.

Ati “Ndasaba Perezida Yoweri Kaguta Museveni, umuyobozi wa NRM. Nakoreye Perezida mu 2011 ubwo yahataniraga uyu mwanya. Nari umwe mu bantu bamwamamarije nkajya ndirimba ahantu hatandukanye yagiye kwiyamamariza ariko sinigeze nishyurwa.”

Uyu muhanzi uzwi mu ndirimbo yitwa ‘Mango Juice’ avuga ko ishyaka rya NRM na Museveni bamurimo miliyoni 270 z’amashilingi kandi ko afite ibimenyetso byose byerekana ko yatanze serivisi ariko atigeze ahembwa.

Yavuze ko ahaye Museveni n’ishyaka rye iminsi 14, yaba atishyuwe akagana inkiko ngo arenganurwe.

Ibi bije nyuma y’aho ku wa kabiri, Kapiteni w’Ikipe y’Igihugu y’Umupira w’Amaguru ya Uganda, Denis Onyango, na we yavuze ko we na bagenzi be bifuza gusobanurirwa ibijyanye n’inkunga y’amafaranga agera kuri miliyoni $1 bemerewe na Perezida Yoweri Museveni nyuma y’uko bitabiriye Igikombe cya Afurika cya 2019 cyabereye mu Misiri.


Big Eye ashinja Perezida Museveni n’ishyaka ayoboye kumwambura, bityo akaba agiye kwitabaza inkiko

Kwa Barafinda baravuza impundu ariko zicagase, ubuzima bwa Barafinda n’andi makuru menshi k’UMUBAVU TV ONLINE:





Tanga igitekerezo kuri iyi nkuru



Igitekerezo