Perezida Macron yemereye Tshisekedi ubufasha bwo guhashya imitwe yitwaje intwaro

Perezida w’u Bufaransa, Emmanuel Macron yemereye inkunga ya Gisirikare Repubulika Iharanira Demokarasi ya Kongo yo kurwanya imitwe yitwaje intwaro ikorera mu Burasirazuba bw’igihugu, nkuko bitangazwa n’Ibiro Ntaramakuru AFP.

AFP isubiramo amagambo ya Bwana Macron abwira mugenzi we Félix Tshisekedi wa Congo ati "U Bufaransa buri uko bwakabaye ku ruhande rwa Congo mu kurwanya imitwe yitwaje intwaro ihungabanya umutekano mu gihugu".

Bwana Macron yongeyeho ko imwe muri iyo mitwe ifitanye isano n’umutwe wiyita Leta ya Kisilamu (IS).

Perezida Macron yavuze ko iyo nkunga izaba iri mu rwego rwa gisirikare kandi harimo n’ibijyanye n’ubutasi, ariko ntiyagira amakuru arenzeho atanga.

Perezida Tshisekedi ni umwe mu bakuru b’ibihugu na za Leta 30 bitabiriye inama ngarukamwaka ya Kabiri yitwa inama y’amahoro ya Paris.

Amagambo ye yasubiwemo avuga ko ashaka kubona u Bufaransa burushaho kugaragara cyane muri Afurika.

Yongeyeho ati "Iyo inshuti iri mu bibazo, urayifasha".

Muri uyu mwaka, igisirikare cya DR Congo cyatangije ibikobwa byo kurwanya imitwe yitwaje intwaro ikorera mu Burasirazuba bw’icyo gihugu.


Perezida Macron w’u Bufaransa (ibumoso) na Perezida Tshisekedi wa DR Congo





Tanga igitekerezo kuri iyi nkuru



Igitekerezo