Perezida Kagame yasabye abanyamuryango ba RPF-Inkotanyi gukomeza urugamba mu iterambere anakomoza kuri Diane Rwigara

Ubwo yatangizaga inama nkuru yahuriranye no kwizihiza isabukuru y’imyaka 30 uyu muryango abereye umuyobozi umaze ushinzwe, Perezida wa Repubulika y’u Rwanda akaba n’umuyobozi mukuru w’Umuryango RPF Inkotanyi, Nyakubahwa Paul Kagame yasabye abanyamuryango ba RPF-Inkotanyi n’abanyarwanda bose gukomeza ubushobozi bubaha gukomeza gutera imbere no kurinda ibyo bubaka kugira ngo bidasenyuka. Kagame kandi yanakomoje kuri Diane Rwigara washatse kwiyamamariza kuba Perezida akaba kuri ubu akurikiranyweho ibyaha bitandukanye.

Perezida wa Repubulika y’u Rwanda, Paul Kagame ibi yabigarutseho kuri uyu wa Kane tariki 14 Ukuboza 2017 ubwo yari I Rusororo ku cyicaro cy’Umuryango wa RPF-Inkotanyi, ubwo yatangizaga inama nkuru yahuriranye no kwizihiza isabukuru y’imyaka 30 uyu muryango abereye umuyobozi umaze ushinzwe.

PNG - 968.3 kb
Hizihizwaga isabukuru y’imyaka 30 umuryango RPF-Inkotanyi umaze uvutse


Perezida Kagame kandi yavuze kuri Diane Rwigara washatse kwiyamamariza kuba Perezida ariko akaza kugaragara ko atujuje ibisabwa ndetse akaza kuvugwa ko yakoresheje inzira zitemewe n’amategeko mu gushaka imikono y’abamusinyira bahamya ko akwiye kuba Perezida ariko mu gisinyisha iyi mikono Diane agasinyisha na bamwe mu bantu bitabye Imana ari na bimwe mu byaha akurikiranweho kugeza ubu aho anafunzwe by’agateganyo.

PNG - 583.1 kb
Chairman w’Umuryango RPF Inkotanyi, Paul Kagame n’Umunyamabanga w’Umuryango, Francois Ngarambe


Perezida Kagame yavuze ko abanyarwanda kimwe n’abandi bose bashukwa ngo bazashyigikirwa n’abo banyamahanga babizeza ibitangaza, ku banyarwanda badatinya ibyo ari byo byose byabahungabanyiriza umutekano.

Yagize ati “Ukumva ko abo bantu bagushuka bazagushyigikira bati humura tuzavuza induru tuvuge ko mu Rwanda, mu Rwanda (…..) bafashe umwana w’umukobwa muto washakaga kuba Perezida bamubuza amahoro, none dore banamufunze bakagusezeranya ko aribyo bazavuga kandi ko tuzabitinya kubera ko tudashaka kugaragara nabi”

Yakomeje agira ati “Ariko iyo byasanze abantu nka FPR Inkotanyi batabiha amatwi cyane ngo babyumve, baza batubaza ibibazo nk’ibyo tukabasubiza ibyo bakwiriye kubwira, ndetse tukabereka ibibazo ahubwo batera biri inyuma cyangwa biri n’iwabo wa muntu baramwihakana bakajya ku mukoreza amakarito cyangwa agakomeza kota umuriro wo muri Gereza, ariko urumva ko biba bifite aho bihuriye, baraza bakabagira ibitangaza.Ngira ngo twebwe guharanira ubumwe bwacu nk’uko n’ahandi babigenza, ntabwo kuri twe byadutera ubwoba ntan’ubwo byatubuza guharanira ubumwe bwacu, umutekano wacu no gushyira hamwe imbaraga zacu kugira ngo twigeze kure hashoboka."

Perezida Kagame kandi yasabye abanyamuryango ba FPR Inkotanyi n’abanyarwanda bose muri rusange gukomeza kubaka imbaraga zacu kugira ngo bagire ubushobozi bubaha gukomeza gutera imbere no kurinda ibyo bubaka kugira ngo bidasenyuka banakomeza n’umuco mwiza wo kwiga, gukorana n’abandi ari abaturanyi ari n’abari kure mu mahanga yabo.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo