Perezida Kagame yagiranye ibiganiro na mugenzi we Donald Trump

Paul Kagame, Perezida wa Repubulika y’u Rwanda uri i Davos mu gihugu cy’u Busuwisi aho yitabiriye Inama y’Ihuriro ryiga ku bukungu bw’Isi (World Economic Forum, WEF), yagiranye ibiganiro na mugenzi we wa Leta Zunze Ubumwe, Donald John Trump.

Ibiganiro bya Kagame na Trump byitabiriwe n’abayobozi batandukanye ku mpande zombi nk’aho ku ruhande rw’u Rwanda hari Minisitiri w’Ububanyi n’Amahanga, Louise Mushikiwabo; Umuyobozi w’Ikigo cy’Igihugu gishinzwe Iterambere, RDB, Clare Akamanzi; Minisitiri w’Imari n’Igenamigembi, Clare Akamanzi n’abandi.

PNG - 723.3 kb
Perezida Kagame yari ari kumwe n’abandi bayobozi mu nzego nkuru z’u Rwanda barimo Minisitiri w’Ububanyi n’Amahanga, Louise Mushikiwabo; Minisitiri w’Imari n’Igenamigambi, Amb. Claver Gatete; Umuyobozi Mukuru wa RDB, Clare Akamanzi n’abandi


Perezida Kagame yabwiye abanyamakuru ko we na mugenzi we wa Leta Zunze Ubumwe za Amerika, bagiranye ibiganiro byiza ku mikoranire hagati y’impande zombi.

PNG - 647.8 kb
Perezida Kagame na Trump baganira i Davos mu Busuwisi


Yavuze ko u Rwanda rwungukiye bikomeye mu bufasha bwa Leta Zunze Ubumwe za Amerika kuva mu myaka myinshi ishize.

Ati “Amerika yashyigikiye ibikorwa by’ubukungu bwacu, mu bucuruzi, ishoramari […] abakerarugendo baturutse muri Amerika basura u Rwanda.”

Perezida Kagame yakomeje avuga ko u Rwanda n’Umuryango wa Afurika yunze Ubumwe muri rusange ruzakomeza gukorana bya hafi na Amerika hagamijwe iterambere ku mpande zombi.

Trump yabwiye Kagame ko ari iby’agaciro ‘kumugira nk’inshuti’. Mu biganiro byabo, nta kintu cyigeze kivugwa ku magambo bivugwa ko yakoreshejwe n’uyu muyobozi wa Amerika agereranya Afurika n’imisarane.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
tuyisenge jean damascene Kuya 26-01-2018

Mumfashe dushimire president uduhwema kudushakira ibyatutezimbere nkaba nyarwanda natwe tumurinyuma