Odinga yariye iminwa imbere y’umwuzukuru we amubajije ku mubano we na Kenyatta

Ubwo Raila Odinga yatemberanaga n’umwuzukuru we mu nzu ndangamurage (Museum), yamuhaye umukoro ukomeye wo kumusubiza ikibazo kimubaza aho umubano we na Perezida Kenyatta uhagaze nyuma yuko uyu mwana abonye ifoto y’aba bombi yakera bagicana uwaka.

Uyu muyobozi w’Impuzamashyaka atavuga rumwe na Leta muri Kenya (NASA), Raila Odinga yahawe iki kizamini gikomeye n’umwuzukuru we ku munsi wa kabiri tariki ya 26 Ukuboza 2017, cyanatumye arya iminwa abuze icyo amusubiza amubaza uko umubano we na Kenyatta kuri ubu uhagaze abitewe no kubona ifoto y’aba bombi mu nzu ndangamurage yo muri Kenya nkuko TUKO babivuga.

Muri videwo yacicikanye ku mbuga nkoranyambaga zitandukanye, Raila Odinga uzwi cyane muri Politiki ya Kenya akanaba umwanzi ukomeye wa Perezida Uhuru Kenyatta, yagowe cyane no gusubiza ikibazo yari abajijwe n’umwuzukuru we wamubazaga niba akibanye neza na Kenyatta nkuko bari babanye mbere (ibyo benshi bise kurya iminwa).

PNG - 618.2 kb
Umwuzukuru wa Odinga yamuhaye iri hurizo akibona ifoto ye na Kenyatta


Uyu mwuzukuru wa Odingta yabajije Odinga ati “uracyari inshuti na Uhuru Kenyatta?”
Mu kumusubiza Odinga yagaragaye agorwa cyane no gusubiza uyu mwana avuga ko umubano we na Kenyatta ari mwiza uretse ibibazo bya Politiki bapfa.

Uyu mwuzukuru wa Odinga ntiyanyuzwe yakomeje amubaza agira ati “mwembi muracyari inshuti ubungubu?”

PNG - 866.9 kb
Odinga n’abuzukuru be, uw’iburyo amubaza iby’umubano we na Kenyatta


Odinga nawe yakomeje asubiza uyu mwana ashimangira ko umubano w’umuryango we n’uwa Kenyatta umeze neza kuva kera.

Mu magambo ye Odinga yasubije umwuzukuru we agira ati “gewe ubwange nta kibazo mfitanye na Perezida Kenyatta. Tubanye neza nkuko wabibonye kuri ya foto”. Ibi Odinga yabisubirije kuri Teviziyo ya “Citizen TV”.

Raila Odinga yabajijwe iki kibazo n’umwuzukuru we cyamukomereye gusubiza nyuma yuko abarwanashyaka be bari kumusaba gukora ibishoboka byose akarahirira kuyobora Kenya nyamara yirengagije ko Uhuru Kenyatta yabajijwe iby’umubano we, yarahiriye kuyobora igihugu mu buryo bwemewe n’amategeko ku wa Kabiri tariki ya 28 Ugushyingo 2017.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo